विश्वकप छनोटमा पुग्न नेपालका लागि आजको खेल महत्वपुर्ण

खरीबोट

फाइल तस्विर । 

काठमाडौँ । विश्वकप छनोट खेल्न नेपाललाई आज क्यानडालाई हराउनै पर्ने दबाब परेको छ । 

आइसिसी विश्व क्रिकेट लिग डिभिजन टूअन्तर्गत मंगलबार भएको खेलमा नामिबियाले केन्यामाथि आठ विकेटको जित हात पारेसँगै रनरेटको आधारमा नेपाललाई पछि पार्दै नामिबिया अंक तालिकाको दोस्रो स्थानमा उक्लिएको छ । 

अन्तिम चरणको खेल बाँकी हुँदा क्यानडा, नामिबिया र नेपालको समान ६ अंक छ । तर रनरेटमा पछि रहेको नेपाल तेस्रो स्थानमा झरेको छ । 

बुधबार अन्तिम दिन हुने खेलले विश्वकप छनोटमा पुग्ने दुई टोलीको टुंगो लाग्नेछ । नेपालले बुधबार शीर्ष स्थानको क्यानडासँग खेल्दैछ भने नामिबियाले चौथो स्थानको युएइसँग खेल्नेछ । अब नेपालले शीर्ष दुईमा स्थान बनाउँदै वान डे वल्र्डकप क्वालिफायरमा स्थान बनाउन क्यानडालाई हराउनै पर्नेछ । हराउन असफल भएमा नेपालको यात्रा डिभिजन टू मै यथावत रहने सम्भावना बढी हुन्छ । 

डिभिजन टू को शीर्ष दुई स्थानमा रहने टोली वल्डकप क्वालिफायरमा छनोट हुनेछन् भने तेस्रो र चौथो स्थानमा रहने टोली डिभिजन टू मै यथावत रहनेछन् । अहिलेसम्म एक खेल पनि जित्न नसकेको केन्या डिभिजन टुबाट थ्री मा घटुवा भइसकेको छ ।

नेपालले समूह चरणको अन्तिम खेलमा आज शीर्ष स्थानमा रहेको क्यानडाको सामना गर्नेछ । पहिलो खेलमा नामिबियामाथि रोमाञ्चक जित निकालेको नेपालले दोस्रो खेलमा ओमानसँग हार व्यहोरेको थियो भने तेस्रो खेलमा सोमबार युएइलाई हराएको थियो । 

नेपालले क्यानडासँग खेल्दा घरेलु टोली नामिबियाले युएइको सामना गर्नेछ । यदि नेपालले जित्यो भने सोझै फाइनलसँगै विश्वकप छनोटमा स्थान पक्का गर्नेछ । गत असोजमा नेपाल डिभिजन वानबाट डिभिजन टु मा घटुवा भएको थियो ।

 

सम्बन्धित समाचार

विश्वकप खेल्ने टिमबाट बाहिर भएपछि जुनैदको यस्तो विरोध !

काठमाडौं । पाकिस्तानको विश्वकप टिमबाट बाहिर भएपछि तिब्र गतिका बलर जुनैद खानले मुखमा कालो पट्टि बाधेर विरोध गरेका छन् । सोमबार पाकिस्तानी क्रिकेट बोर्डले विश्वकप खेल्ने आफ्ना १५ सदस्यीय टिममा तीन

विश्वकप खेल्ने पाकिस्तानी टोलीमा तीन परिवर्तन, आमीर टिममा फर्किए  

काठमाडौं । आगामी मे ३० देखि जुलाई १४ सम्म इङल्याण्ड र वेल्समा हुने क्रिकेट विश्वकपका लागि पाकिस्तानले १५ सदस्यीय टिममा तीन परिवर्तन गरेको छ । यस अघि गत बैशाख ५ गते

वेस्टइन्डिजका ब्राभो र पोलार्ड विश्वकपको वैकल्पिक सुचिमा 

काठमाडौँ । वेस्टइन्डिज क्रिकेट बोर्डले दुई चर्चित खेलाडीलाई विश्वकप क्रिकेटको वैकल्पिक खेलाडीको सुचिमा राखेको छ । गत बर्ष अन्तर्राष्ट्रिय क्रिकेटबाट सन्यास लिएका ड्वाने ब्राभो र अर्का खेलाडी केरोन पोलार्डलाई विश्वकपको वैकल्पिक

अफगानिस्तानमाथि आयरल्याण्डको फराकिलो जित 

काठमाडौँ । आयरल्याण्ड भ्रमणमा रहेको अफगानिस्तानको क्रिकेट टिम पहिलो एकदिवसीय खेलमा पराजित भएको छ । आइतबार सम्पन्न खेलमा आयरल्याण्डले अफगानिस्तानलाई ७२ रनले पराजित गरेको हो । आयरल्याण्डले दिएको २११ रनको लक्ष्य पछाएको


z