- २०८१ बैशाख ४ मंगलबार
काठमाडौँ । भनिन्छ प्रेमको कुनै उमेर हुदैन । यस्तै एउटा घटना बेलायतमा भएको छ, जहाँ ९५ वर्षको उमेरमा एक वृद्धले आफ्नो जीवनमा पहिलो पटक प्रेममा परे र विवाह गरे । यस वृद्धको नाम जुलियन मोयल र उनकी श्रीमतीको नाम भ्यालेरी विलियम्स (८४) हो । दुईजना २३ वर्षअघि एउटा चर्चमा भेटेका थिए । दुवै लामो समयसम्म साथी रहे, तर यस वर्ष फेब्रुअरीमा जुलियनले भ्यालेरीलाई विवाहको प्रस्ताव राखे ।
वेल्स अनलाइनको रिपोर्टका अनुसार यो मायालु जोडीले मे १९ मा बेलायतको कार्डिफ क्षेत्रको त्यही चर्चमा विवाह गरेका थिए जहाँ उनीहरु पहिलो पटक भेटेका थिए । यो अनौठो विवाहमा नवविवाहित जोडीका ४० जना साथीभाइ र परिवारका सदस्य चर्चमा उपस्थित थिए । विवाहको समयमा, जुलियनले आफ्नी पत्नीको बारेमा उनी धेरै दयालु र हेरचाह गर्ने स्वभावको भएको बताए । जुलियन त्यसपछि आफ्नी पत्नीतिर फर्केर भने- 'म तिमीसँग मेरो जीवन बिताउन उत्सुक छु ।'
यसैबीच, आफ्नो विवाहको दिनको बारेमा, भ्यालेरियाले भनिन्- ''म यो विश्वास गर्न सक्दिन ।' जुलियनले विवाहलाई अद्भुत र 'नयाँ वर्ष जस्तै' भनेर वर्णन गरे । यो जोडीले आफूहरुसँगै बस्न निकै उत्सुक रहेको बताए । दम्पतीले उनीहरू आफ्नो हनिमुनका लागि अष्ट्रेलिया जानेछन् जहाँ जुलियनको वास्तविक घर हो । विवाह गर्दा कस्तो अनुभूति भयो भन्ने प्रश्नमा जुलियनले यो रोमन देवता जानसजस्तै भएको बताए, जसको दुईवटा टाउको थियो जसले गर्दा उसले भविष्य र विगत दुवैलाई हेर्न सक्छ ।
जुलियनले भने- 'यो नयाँ वर्ष जस्तै हो ।' अर्कोतर्फ, भ्यालेरीले आफ्नो नयाँ पतिलाई 'अद्भुत सज्जन' भनेर वर्णन गरिन् । रिपोर्टका अनुसार जुलियन सन् १९५४ मा अष्ट्रेलियाबाट बेलायत आएका थिए । उनले १९७० र १९८२ मा राष्ट्रिय ओपेरामा काम गरे । उनले विवाहको समयमा पनि अभिनय गरेका थिए । जुलियनको प्रेम र अहिले यो विवाहको सामाजिक सञ्जालमा निकै भाइरल भइरहेको छ ।
