सुरक्षा व्यवस्था चुस्त बनाउन निर्वाचन आयोगको आग्रह

खरीबोट

काठमाडौँ । निर्वाचन आयोगले राष्ट्रपतिको आसन्न निर्वाचनमा सुरक्षा व्यवस्था चुस्तदुरुस्त ढङ्गले मिलाउन सुरक्षा निकायलाई निर्देशन दिएको छ । 

राष्ट्रपतिको निर्वाचन सञ्चालन र व्यवस्थापनको तयारीको क्रममा आज निर्वाचन आयोगमा बसेको उच्चस्तरीय निर्वाचन सुरक्षा समितिको बैठकले उक्त निर्देशन दिएको आयोगको प्रवक्ता नवराज ढकालले जानकारी दिए । राष्ट्रपतिको निर्वाचन यही फागुन २९ गते हुँदैछ । 

बैठकमा प्रमुख निर्वाचन आयुक्त डा। अयोधिप्रसाद यादवले स्थानीय तह, प्रतिनिधि सभा सदस्य तथा प्रदेश सभा सदस्य निर्वाचन र राष्ट्रिय सभा सदस्य निर्वाचनलाई स्वच्छ, स्वतन्त्र र मर्यादित रुपले सम्पन्न गर्न सुरक्षा निकायले पुर्याएको योगदानप्रति धन्यवाद दिएका थिए । 

निर्वाचन आयुक्त सुधीर कुमार शाहले राष्ट्रपतिको निर्वाचनमा पनि सुरक्षा निकायले त्रुटीरहीत ढङ्गले निर्वाचनका सबै प्रक्रियामा सुरक्षा प्रदान गर्न निर्देशन दिए । 

गृह मन्त्रालयका सचिव मोहनकृष्ण सापकोटा लगायतका सुरक्षा निकायका प्रतिनिधिहरुले शान्तिपूर्ण रुपमा स्वच्छ, स्वतन्त्र र निष्पक्ष निर्वाचन सम्पन्न गर्न सुरक्षाका दृष्टिले कुनै कसर बाँकी नराख्ने प्रतिवद्धता व्यक्त गरेका थिए । 

बैठकमा निर्वाचन आयुक्तहरु इला शर्मा, नरेन्द्र दाहाल, ईश्वरी प्रसाद पौड्याल, निर्वाचन आयोगका सचिव वेगेन्द्रराज शर्मा पौड्याल, रक्षा मन्त्रालयका सचिव विनोद के।सी। एवं अन्य सुरक्षा निकायका प्रमुखहरु सहभागी भएका थिए ।

सम्बन्धित समाचार

स्ववियु निर्वाचनका लागि ‘अनुगमन तथा समन्वय’ समिति

काठमाडौँ । त्रिभुवन विश्वविद्यालय (त्रिवि)ले स्वतन्त्र विद्यार्थी युनियन (स्ववियु)को निर्वाचनका लागि शिक्षाध्यक्ष डा सुधा त्रिपाठीको संयोजकत्वमा ‘स्ववियु निर्वाचन केन्द्रीय अनुगमन तथा समन्वय’ समिति गठन गरेको छ ।  आज बसेको त्रिवि पदाधिकारीको

स्ववियु निर्वाचन चैत्रभित्र गर्न शिक्षामन्त्रीको प्रस्ताव 

काठमाडौं । शिक्षा तथा विज्ञान प्रविधिमन्त्री गिरिराजमणि पोखरेलले चैत महिनाभित्रै स्ववियु चुनाव गर्ने प्रस्ताव गरेका छन् । प्रतिनिधिसभाको सोमबारको बैठकमा सांसदहरुले उठाएको प्रश्नको जवाफ दिँदै उनले चैतभित्रै स्ववियु चुनाव गराउन प्रतिपक्षी

स्ववियु निर्वाचनको तालिका सार्वजनिक नभएकोमा सत्तारूढ विद्यार्थी संगठनको आपत्ति

काठमाडौँ । त्रिविले फागुन १४ गते स्ववियु निर्वाचनको घोषणा गरे पनि कार्यतालिका घोषणा नगरेपछि, सत्तारुढ नेपाल कम्युनिस्ट पार्टी (नेकपा) को विद्यार्थी संगठनले त्रिभुवन विश्वविद्यालयविरुद्ध  आपत्ति जनाउँदै आन्दोलनका कार्यक्रम घोषणा गरेको

बजेट पारित नभएपछि स्पेनका प्रधानमन्त्रीद्वारा निर्वाचनको घोषणा

मड्रिड । स्पेनको संसदबाट बजेट पारित नभएपछि शुक्रबार नयाँ निर्वाचनको लागि मिति घोषणा गरिएको छ ।  प्रधानमन्त्री पेड्रो सान्चेजले आगामी अप्रिल २८ तारिखका दिन निर्वाचन गर्ने गरी शुक्रबार मिति घोषणा गर्नुभएको


z