काठमाडौं । र्याप संगीतको रियालिटी शो ‘नेपहपको श्रीपेच’ का विजेतालाई पहिर्याइएको मुकुट फिर्ता गरिएको छ ।
मुकुट बारे विवाद भएपछि र्याप संगीतको रियालिटी शो ‘नेपहपको श्रीपेच’ कार्यक्रमका जज समेत रहेका काठमाडौंका मेयर बालेन्द्र साहले बज्राचार्य गुरुलाई उक्त मुकुट हस्तान्तरण गरेका हुन् । मुकुट फिर्ता गरेसँगै यो विवाद समाधान भएको छ ।
रियालिटी शोको शनिवार आयोजित फाइनलमा मेयर साहले विजेता भाइबर साइमनलाई पञ्चबुद्धको आकृतिसहितको मुकुट लगाइदिएका थिए ।
बौद्ध धर्ममा यस्तो मुख: (मुकुट) बज्राचार्यहरूको पूजामा गुरुहरूले पञ्चअभिषेक दिँदा लगाइदिने परम्परा रहेकोमा सांगीतिक कार्यक्रममा धार्मिक महत्त्वको मुकुट दुरुपयोग गरिएको भन्दै विवाद भएको थियो ।
मेयर साहले गल्ती भएको स्वीकार गर्दै गुरु देय थ:पा लाई मुकुट हस्तान्तरण गरेका हुन् ।