चेल्सीले मेसीलाई रुवाएको त्यो रात !

खरीबोट
ad

काठमाडौँ । कुरा २०१२ को च्याम्पियन्स लिग सेमिफाइनलको हो । बार्सिलोनाका खेलाडी र क्लबले त्यो रात शायद भुल्न चाहन्छन् । पेप गार्डीओलाको अन्डरमा रेकर्डमाथि रेकर्ड बनाईरहेको बार्सिलोनाले चेल्सीसँग पहिलो लिगमा १-० को हारपछि सेमिफाइनलको दोस्रो लिग खेल्दै थियो । घरेलु मैदानमा हुने दोस्रो लिगमा कमब्याक गर्नेमा बार्सिलोना र म्यानेजर पेप ढुक्क थिए । 

खेल सुरु भयो, सर्जियो बसकोटको गोलबाट अग्रता लियो । एलेक्सिस सान्चेजलाई फाउल हानेपछि चेल्सीका जोन टेरीले रातो कार्ड पाए र बार्सिलोनाले पेनाल्टी पायो र आन्द्रे इनेस्टाले गोलमा परिणत गर्दै पहिलो हाफमा २-० को अग्रता हासिल गर्यो ।

१० खेलाडीमा सिमित चेल्सीले रामिरेजको गोलमा खेलमा पुनरागमन गर्यो । यस खेलले चेल्सीलाई खेलमा फर्काएन मात्र अवे गोलको एडभान्टेज पनि दियो । दोस्रो हाफको तेस्रो मिनेटमै बार्सिलोनाका चेक फाब्रिगासलाई डिडियर ड्रोग्वाले लडाएपछि बार्सिलोनाले पेनाल्टी पायो । 

पेनाल्टी हान्न मेसी अगाडी आए तर बल चेल्सीको बारमा लागेर बाहिरियो र चेल्सीले जीवनदान पायो । खेलको अन्तिम समयमा फर्नान्डो टोरेसले गोल गर्दै चेल्सीलाई बार्सिलोनाविरुद्ध २-२ गोलको बराबरी र पहिलो लिगको १-० गोल सहित ३-२ ले समग्रमा पराजित गर्दै च्याम्पियन्स लिगको फाइनलमा पुर्याए ।

खेल सकियो बार्सिलोना च्याम्पियन्स लिगबाट बाहिरियो । यसको तीन दिन अघि मात्र बार्सिलोना आफ्नो प्रमुख प्रतिद्वन्दी रियल म्याड्रिडसँग ला लिगाको खेलमा क्याम्प नाउमै २-१ ले पराजित भएको थियो । दुई ठुला खेलमा पाएको हारले बार्सिलोना, मेसी र म्यानेजर पेपलाई त्यो साता सम्झिन लायक रहेको थिएन ।

सो खेलमा बार्सिलोनाबाट खेलेका एलेक्सिस सान्चेजले हालै एक अन्तर्वार्ताको क्रममा चेल्सीविरुद्धको सो खेलपछि बार्सिलोनाको ड्रेसिङरुममा मेसी रोएको आफुले देखेको बताए । त्यति बेलाको स्मरण गर्दै उनले यो सबै फुटबलको एउटा भाग हो र ठुलो खेल हर्दा दुख लाग्नु स्वाभाविक भएको बताए ।

मेसीले सो बर्ष च्याम्पियन्स लिगबाट बाहिरिनुमा आफुलाई दोष दिएका थिए । महत्वपूर्ण पेनाल्टी मिस गरेर उनले आफुलाई दोषी बनाएका थिए । मेसीको त्यो जिम्मेवारी प्रति म्यानेजर पेपले मेसी त्यसैले नै महान खेलाडी भएको प्रतिक्रिया दिएका थिए । 

म्यानेजर पेपले बार्सिलोनाको त्यो हारले नै आफुलाई बार्सिलोना छोड्न प्रेरित गरेको बताउदै त्यसको तीन दिन पछि बार्सिलोना छोड्ने घोषणा गरेका थिए । यद्यपी त्यसपछि त्यसै बर्ष बार्सिलोनाले को डेल रे १४औ पटक जितेर म्यानेजर पेपको कार्यकालमा ट्रफीको संख्या १९ पुर्याएका थिए ।

यस पटक चेल्सी र बार्सिलोना च्याम्पियन्स लिगको क्वाटरफाइनलमा पुग्न दोस्रो लिगको खेल बुधबार राति खेल्दै छन् । बार्सिलोनाको घरेलु मैदानमा खेलिने सो खेलले २०१२ को च्याम्पियन्स लिग सेमिफाइनलको दोस्रो लिगको झल्को दिएको छ ।

पहिलो लिगमा १-१ को बराबरीमा रहेका दुवै टिममा बार्सिलोना अवे गोलको आधारमा अलिकति एडभान्टेजमा रहेको छ । बार्सिलोनाको यस सिजनको प्रदर्शन हेर्दा उत्कृष्ट फर्ममा रहेको देखिन्छ । तर ठुलो खेलमा ठुलो दबाब हुने हुनाले यो खेल पनि रोमान्चक हुने देखिन्छ । 
   

सम्बन्धित समाचार

युरो २०१६ का गोल्डेन ब्वाय रेनाटो साञ्चेज लयमा फर्किए, च्याम्पियन्स लिगमा बायर्न म्युनिखको विजयी सुरुवात

काठमाडौँ।  च्याम्पियन्स लिगमा बायर्न म्युनिखले विजयी सुरुवात गरेको छ। गएराती भएको खेलमा बायर्नले बेनिफिकालाई २-० ले पराजित गर्दै विजयी सुरुवात गरेको हो।  बायर्नको जितमा युरो २०१६ का गोल्डेन ब्वाय रेनाटो साञ्चेजले

पोग्वाको प्रेरणामा च्याम्पियन्स लिगमा म्यानचेस्टर युनाइटेडको विजयी सुरुवात 

काठमाडौँ।  म्यानचेस्टर युनाइटेडले च्याम्पियन्स लिगमा उत्कृष्ट सुरुआत गरेको छ । गएराती भएको खेलमा युनाइटेडले स्विसक्लब योङ्ग ब्वायेजलाई ३-० को गोल अन्तरले पराजित गरेको हो । युनाइटेडको जितमा पाउल पोग्वाले २ गोल

 च्याम्पियन्स लिगमा सिटीको खराब सुरुवात, लियोनसँग पराजित 

काठमाडौँ।  च्याम्पियन्स लिग अन्तर्गत प्रिमियर लिगको च्याम्पियन म्यान्चेस्टर सिटी फ्रेन्च कल्ब लियोनसँग पराजित भएको छ।  गएराती भएको खेलमा सिटी लियोनसँग २-१ गोल अन्तरले पराजित भएको छ।  यस सिजनको च्याम्पियन्स लिगमा सिटीले

च्याम्पियन्स लिगमा रियल म्याड्रिडको रोमामाथि सहज जित, इस्कोले गरे फ्री-किकबाट गोल  

काठमाडौँ।  च्याम्पियन्स लिगको डिफेन्डिङ च्याम्पियन रियल म्याड्रिडले यस सिजनमा पनि विजयी सुरुवात गरेको छ।  गएराती भएको खेलमा इटालीयन क्लब रोमामाथि ३-० को सहज जित निकाल्दै विजयी सुरुवात गरेको हो ।  रियलको