काठमाडौँ । सन् २०१९ मा हुने क्रिकेट विश्वकपमा वेस्टइण्डिज छनौट भएको छ ।
बुधबार भएको खेलमा वेस्टइण्डिजले स्कटल्याण्डलाई डकवर्थ लुइस नियम अनुसार ५ रनले पराजित गर्दै विश्वकप छनौटको फाइनलमा पुग्दै अर्को बर्ष इङल्याण्डमा हुने विश्वकपमा आफ्नो ठाउ सुरक्षित गरेको हो ।
बर्षाले प्रभावित भएको खेलमा १९९ रन पछ्याएको स्कटल्याण्डले ३५.२ ओभरमा ५ विकेट गुमाएर १२५ रन बनाउदा ठुलो पानी परेपछि खेल रोकिएको थियो । यस अघि वेस्टइण्डिज केबल १९८ रनमा अल आउट भएको थियो ।
अब विश्वकपमा छनौट हुने अर्को टिममा तिन टिमबीच प्रतिष्पर्धा रहेको छ । जिम्बाबेले विहिबार युएईविरुद्धको खेल जितेमा फाइनलमा पुग्दै विश्वकपका लागि छनौट हुनेछ भने युएई प्रतियोगितबाट बाहिरिइसकेकाले उसले जितेमा अफगानिस्तान र आयरल्याण्डविच हुने खेलको विजेता फाइनलमा पुग्दै विश्वकपमा छनौट हुने छन् ।