उत्तर अमेरिका । एक जना पोलिस मूलका म्यासाच्युसेट्स बस्दै आएका अवैधानिक आप्रवासीलाई कुकुरलाई अत्याचार हुने गरी पिटेको निहुँमा १० वर्षको जेल सजाय सुनाइएको छ । अधिकारीहरुले कुकुरलाई निर्दयी भएर मरणासन्न हुने गरी पिटेको भन्दै ३७ वर्षका राडोस्ल जर्कावस्कीलाई उक्त सजाय सुनाइएको बताएका हुन् ।
बोस्टन हेराल्डका अनुसार उनी अमेरिकामा अवैधानिक रुपमा बस्दै आएका थिए । पप्पी डोय नामले बोलाइने आफैले किनेर ल्याएको कुकुरलाई उनले मरणासन्न हुने गरी कुटेका थिए । उनीविरुद्ध जनावरमाथि अत्याचार गरेको आरोप लगाइएको हो । उनले सन् २०१३ मा उक्त कुकुर किनेर ल्याएका थिए ।
उनले किन्नुअघि पालेका व्यक्तिले उक्त कुकुरको नाम किया राखेका थिए । एउटा पार्कमा कुकुरमाथि निर्दयी भएर कुट्दा कुकुरको हड्डी भाँच्चिनुका साथै गम्भीर घाइते भएको थियो । यद्यपि जर्कावस्कीका कानुन व्यवसायीले भने उक्त कुकुरलाई आफ्नो क्लाइन्टले पाले पनि अरुले नै पार्कमा पिटेर घाइते बनाएको दाबी गरेका थिए ।
पोल्यान्डका नागरिक उनी यसअघि नै कारागार बस्दै आएका थिए । उनले १० वर्षको जेल सजाय काटेपछि आफ्नो देश फर्किनुपर्ने समेत भएको छ । उनलाई अमेरिकी आप्रवाससम्बन्धी कानुनअनुसार देश निकाला गरिने जनाइएको छ ।
त्यस्तै उनलाई कुनै पनि एनिमल फार्ममा जानबाट समेत वञ्चित गरिएको बताइएको छ ।
BREAKING: A jury found a #Massachusetts man guilty of animal cruelty charges after his dog was found tortured so severely that it needed to be euthanized in 2013. He faced and was found not guilty of one witness intimidation charge. #PuppyDoehttps://t.co/B6hNJm4IgT
— NLECAA (@NLECAA) March 26, 2018