विनाशको बाटोमा ब्रह्माण्ड : नेगेटिभ इनर्जीको फोकासँग ठोक्किएर ब्रह्माण्ड नै विनाश हुने चेतावनी ! 

खरीबोट
ad

एउटा आधारभूत अणु जसले आम कुराहरुमा संसारमा महत्व राख्छ, त्यो कुनै दिन विनाशको बाटोमा पुग्नसक्ने भौतिकशास्त्रीहरुले खुलासा गरेका छन् ।

विज्ञहरुका अनुसार हाम्रो संसार एक दिन तथाकथित गड पार्टिकल (भगवत् अंश) अर्थात् हिग्स बोसोनबाट जनित नेगेटिभ इनर्जी (विपरीत शक्ति)को फिँजसँग ठोक्किएर विनाश हुनसक्नेछ ।

वैज्ञानिकहरुका अनुसार संसार धिमागतिमा मृत्युको बाटोमा अघि बढिरहेको खुलेको दाबी गरिएको छ । एउटा अँध्यारो शक्तिले संसारलाई चिस्यानमा लैजाने र संसारलाई संरचनारहित बनाइदिने दाबी गरिएको हो । 

तर नयाँ अध्ययनले भने संसारको अन्त्य विष्फोटनद्वारा आगामी करिब १० ह१३९ वर्षमा हुने देखाएको बताइएको छ । यस्तो विनाशको प्रक्रिया ब्ल्याकहोलको विस्तारसँगै सुरु भइसकेको पनि खुलाइएको छ । हार्वर्ड युनिभर्सिटीका अध्येताहरुले अणुहरुको समूह र तिनीहरुको क्रियाबारे यसअघि नै पत्ता लागेका तथ्यहरुको अनुसन्धानबाट यस्तो आश्चर्यजनक तथ्यको उत्खनन गरेका हुन् । 

हिग्स बोसोनको समूह जुन सन् १९७० मा सैद्धान्तिक र सन् २०१२ मा तथ्यगतरुपमा पत्ता लगाइएको विशाल हाड्रोन कोलिडर जुन १२५ गिगाइलेक्ट्रोनभोल्ट्स (यो भनेको फिजिक्सको पार्टिकल एक्सिलेरेटरमा प्रयोग भएको शक्ति)युक्त रहेको विश्वास गरिएको छ ।

विज्ञहरुले अहिलेको हिग्स बोसोन कुनै दिन परिवर्तन हुनसक्ने बताएका छन् । यदि यस्तो आँकलन सत्य भएमा त्यसले हाम्रो संसारमा जीवन सृजना गर्ने प्रक्रियालाई नै छिन्नभिन्न पारिदिनेछ । यसले ठूलो मात्रामा विपरीत शक्तिको फिँज सृजना गर्न सक्ने बताइएको छ, यस्तो भएमा भौतिकसम्बन्धी सिद्धान्तहरुले काम गर्नेछैनन् । 

यस्तो फिँज संसारलाई नढाकेसम्म उत्पन्न भइराख्नेछ । न्यु साइन्टिष्टसँग हार्वर्डका एक अध्येता एन्डर्स एन्डेरसनले गरेको कुराकानीलाई उद्धृत गर्दै डेलीमेलले लेखेअनुसार अध्येताहरु ब्रह्माण्डको अन्त्य कहिले हुनेछ भन्ने मिति निकाल्न जुटेका छन् । 

यस्तो विपरीत शक्तिको फिँजले प्रकाशको गतिसँग मिल्नसक्ने र यो आएको पनि हामीले देख्न नसक्ने हुनसक्ने उनको भनाइ छ ।

अहिलेको भौतिक बुझाइले डार्क इनर्जी अर्थात् अँध्यारो शक्तिको सञ्चलनबारे केही भन्न नसक्ने पनि अध्येताहरु बताउँछन् । विज्ञहरुका अनुसार यस्तो अन्त्यमा ब्ल्याकहोल प्रमुख कारक हुने समेत बताइएको छ ।

ब्ल्याकहोलहरु निकै घना र तिनीहरुको गुरुत्वाकर्षण निकै बलियो रहने भएकाले प्रकाश समेत ब्ल्याकहोलबाट बाहिरिन नसक्ने हुन्छन् । तिनीहरुले गुरुत्वको प्रबल स्रोतका रुपमा काम गर्छन् भने तिनीहरु धूलो र ग्यासले जकडिएका हुनसक्छन् । ब्रह्माण्डमा थुप्रै ब्ल्याकहोल र सुपरम्यासिभ ब्ल्याकहोलहरु रहेको विश्वास गरिन्छ । 

दुर्हाम विश्वविद्यालयका रुथ ग्रेगरी जो यस अध्ययनमा संलग्न थिएनन्, उनले एउटा माइक्रोस्कोपिक ब्ल्याकहोल घेरिएको स्पेस टाइमको घुमाउरोपना देखाएका छन् जसले हिग्स बोसोनको नाश सुरु हुनसक्नेछ । यसलाई ब्रह्माण्डको पृथ्वीबाट एउटा चम्किलो टुक्राजस्तो देखिन्छ जुन हाम्रो सौर्यप्रणाली र तारामण्डलबाटै पर रहेको मानिन्छ । 

ब्रह्माण्डलाई १३.८ बिलियन प्रकाशवर्षको दूरीमा पनि अवलोकन गर्न सकिन्छ तर महाविष्फोटनदेखि ब्रह्माण्डको विस्तारलाई आधार मानेर गरिने हिसाबले हेर्न मिल्ने ब्रह्माण्ड भनेको ९२ बिलियन प्रकाश वर्ष रहेको छ । 

त्यस्तै, सन् २०११ मा अक्सफोर्ड विश्वविद्यालयले गरेको ब्रह्माण्डको आकारलगायत सम्पूर्ण परिणामको तथ्यांकगत विश्लेषणअनुसार यसको आकार करिब ७ ट्रिलियन प्रकाश वर्षको छ ।

यसको मतलब हिग्स बोसोनको दुर्घटना पृथ्वीसम्म उच्च रहेको बताइएको छ । कतिपयले यस्तो दुर्घटना पहिले नै भइसकेको हुनुपर्ने समेत आँकलन गरेका छन् । 
विज्ञहरुले समयानुकूल रुपमा आगामी दिनमा हुने बताएका छन् । यो फिजिकल रिभ्यु डीमा प्रकाशित भएको थियो ।

डेली मेलबाट भावानुदित ।
 

सम्बन्धित समाचार

तालाबन्दीपछि कृषि तथा वन विज्ञान विश्वविद्यालयको कामकाज ठप्प  

चितवन । कृषि तथा वन विज्ञान विश्वविद्यालय रामपुरका प्राध्यापकले तालाबन्दी गरेका छन् । विश्वविद्यालयको मूलद्वारमा मङ्गलबार ताला लगाएपछि नियमित काम अवरुद्ध भएको छ । विश्वविद्यालयले दिएको सम्बन्धन मन्त्रिपरिषद्को बैठकले खारेज गरेपछि

चन्द्रमाको ध्रुवमा पानी भेटियो, वैज्ञानिक भन्छन्, ‘छिट्टै मानवशिविर स्थापना गर्ने आशा बढ्यो !’

अमेरिका । वैज्ञानिकहरुले चन्द्रमाको ध्रुवमा आइस (बरफ पिण्ड) फेला परेको बताएका छन् । युनिभर्सिटी अफ हवाई र ब्राउन युनिभर्सिटीका अध्येताहरुले नासाको मुन मिनरलोजी म्यापर इन्स्ट्रुमेन्ट प्रयोग गरी उक्त आइस रहेको

कर्णाली स्वास्थ्य विज्ञान प्रतिष्ठानमा एमबीबीएस भर्नासम्बन्धी अध्ययन गर्न कार्यदल गठन

काठमाडौँ। कर्णाली स्वास्थ्य विज्ञान प्रतिष्ठानमा चिकित्सा विषयको स्नातक तह (एमबीबीएस) तहमा भर्नासम्बन्धी अध्ययन शुरु गर्न स्वास्थ्य तथा जनसङ्ख्या मन्त्रालयका चिकित्सक श्रीकृष्ण गिरीको संयोजकत्वका कार्यदल गठन गरिएको छ ।  कार्यदलमा चिकित्सकद्वय जीवन

वैज्ञानिकहरुले पत्ता लगाए १३ बिलियन वर्ष पुरानो स्याटेलाइट ग्यालेक्सी

चारवटा साना तारामण्डलहरुले मिल्कीवेको परिक्रमा गरिरहेको फेला परेपछि वैज्ञानिकहरुले यसलाई ब्रह्माण्डकै पुरानो तारामण्डल भएको दाबी गरेका छन् । खगोलविद्हरुले उक्त ससाना तारामण्डललाई १३ बिलियनभन्दा बढी वर्ष पुरानो र बिगब्यांग (महाविष्फोटन)पछि