काठमाडौँ । पाकिस्तानका कप्तान बाबर आजम लगातार दोस्रो बर्ष आइसीसीको एकदिवसीय बर्ष खेलाडी बनेका छन् ।
आइसीसीले विहिबार बाबर आजम २०२२ को उत्कृष्ट एकदिवसीय खेलाडी बनेको घोषणा गरेको हो । उनी २०२१ मा पनि आइसीसीको एकदिवसीय उत्कृष्ट खेलाडी बनेका थिए ।
२८ बर्षिय बाबरले २०२२ मा ९ खेलमा ८४.८७ को औसतले तीन शतक र पाँच अर्धशतकसहित ६७९ रन बनाएका थिए ।
यसअघि आइसीसीले २०२२ को टी-२० खेलाडीको अवार्ड भारतका सूर्यकुमार यादवलाई दिएको थियो ।