- २०८१ बैशाख ८ शनिबार
काठमाडौँ । रियल म्याड्रिड कोपा डेल रे को सेमिफाइनलमा पुगेको छ ।
गएराती सम्पन्न खेलमा एटलेटिको म्याड्रिडलाई ३-१ गोल अन्तरले पराजित गर्दै रियल म्याड्रिड कोपा डेल रे को सेमिफाइनलमा पुगेको हो ।
निर्धारित ९० मिनेटको खेलमा दुवै टिमले १-१ गोल गरेपछि ३० मिनेट अतिरिक्त समय खेलाइएको खेलमा रियल म्याड्रिडले थप २ गोल गरेको थियो ।
रियल म्याड्रिडको लागि रोड्रीगो, करिम बेन्जमा र भिनिसियस जुनियरले एक एक गोल गरेका थिए ।
त्यस्तै एटलेटिको म्याड्रिडका लागि अल्भारो मोराटाले एक गोल गरेका थिए ।
यस खेलको ९९औं मिनेटमा स्टेफान साभिकले रातो कार्ड पाएपछि एटलेटिको १० खेलाडीमा सिमित भएको थियो ।
त्यस्तै गएराती नै भएको अर्को खेलमा एथलेटिक बिल्बाओले भलेन्सियालाई ३-१ गोल अन्तरले पराजित गर्दै सेमिफाइनलमा पुगेको छ ।
योसँगै कोप डेल रे को सेमिफाइनलको समीकरण पुरा भएको छ । अब सेमिफाइनलमा बार्सिलोना, ओसासुना, रियल म्याड्रिड र एथलेटिक बिल्बाओ पुगेका छन् । सेमिफाइनलको ड्र जनवरी ३० मा हुने छ ।
