- २०८१ बैशाख ८ शनिबार
काठमाडौँ । अन्तर्राष्टिय मैत्रीपूर्ण खेलमा मोरक्कोले ब्राजिललाई पराजित गरेको छ ।
गएराती घरेलु स्टेडियममा सम्पन्न खेलमा मोरक्कोले ब्राजिललाई २-१ गोल अन्तरले पराजित गरेको हो ।
मोरक्कोको जितमा सोफियाने बोउफल र अब्देलहामिद सबिरीले एक एक गोल गरेका थिए ।
ब्राजिलका लागि एक गोल क्यासेमिरोले गरेका थिए ।
विश्वकपपछि पहिलो पटक खेलेको ब्राजिल मोरक्को सँग हार बेहोरेको छ भने मोरक्कोले पनि विश्वकपको आफ्नो लयलाई निरन्तरता दिदै ब्राजिललाई स्तब्ध बनाएको छ ।
हालै सम्पन्न विश्वकपमा मोरक्को सेमिफाइनलमा फ्रान्ससँग पराजित भएको थियो भने तेस्रो स्थानका लागि भएको खेलमा क्रोसियासँग पराजित भएको थियो । अब अर्को मैत्रीपूर्ण खेलमा मोरक्कोले पेरुसँग खेल्दै छ ।
