- २०८१ बैशाख १३ बिहीबार
काठमाडौँ । आइसीसी विश्वकप क्वालिफायर प्लेअफ अन्तर्गत नामिबियाले क्यानडालाई १११ रनले पराजित गरेको छ ।
मंगलबार सम्पन्न खेलमा नामिबियाले दिएको २६८ रनको लक्ष्य पछाएको क्यानडाले ४२.२ ओभरमा अल आउट हुदै १५६ रन बनाए पछि खेल १११ रनले हारेको हो ।
यसअघि टस जितेर पहिला ब्याटिंग गरेको नामिवियाले ५० ओभरमा ९ विकेट गुमाउदै २६७ रन बनाएको थियो ।
योसँगै नामिबियाले प्लेअफका आफ्ना पाँचै खेल खेलेको छ । नामिबियाको ५ खेलमा ३ जित र २ हारसहित ६ अंक भएको छ र अंक तालिकामा दोस्रो स्थानमा उक्लिएको छ ।
त्यस्तै क्यानाडाको भने ४ खेलमा ४ अंक रहेको छ र अंकतालिकामा हाल चौथो स्थानमा रहेको छ । क्यानडाले आफ्नो अन्तिम खेल पीएनजीसँग बुधबार खेल्दै छ ।
