इनेस्टाले बार्सिलोना छोड्दै, ला लिगाले गर्यो खुलासा 

खरीबोट
ad

काठमाडौं । बार्सिलोनाका लिजेण्ड प्ले मेकर आन्द्रे इनेस्टाले क्लब छोड्ने रिपोर्ट आएको छ । 

गएराती भएको कोपा डेल रेको उपाधि जिते पछि इनेस्टाले क्लब छोड्ने रिपोर्ट आएको हो । उनले यस सिजनको अन्त्यसँगै बार्सिलोना छोड्ने तयारी गरेको स्पेनिस मिडियाले चर्चा गरेका छन् ।

खेलपछि ला लिगाले इनेस्टाको एक तस्बीरमा विभिन्न भाषामा इनेस्टालाई ‘द फाइनल थ्याँक्यु’ लेखेको तस्बीर सार्वजनिक गरेपछि इनेस्टाले बार्सिलोना छोड्ने अनुमान सबैले गरेका छन् । ला लिगाले इनेस्टाको स्पेनमा अन्तिम फाइनल खेलेर जितेको भन्दै धन्यवाद दिएको बताइएको छ । 

३३ बर्षिय इनेस्टाले चिनियाँ क्लबबाट अफर पाएको र यसै साता यस बारे निर्णय लिने बताइएको छ ।

बार्सिलोनाका अध्यक्ष जोसेप मारियाले पनि इनेस्टाले क्लब छोड्ने अफर पाएको स्वीकार गर्दै यसबारे निर्णय इनेस्टाले नै गर्ने बताए । उनले इनेस्टाको बार्सिलोनामा लाइफटाइम सम्झौता रहेको भन्दै यसबारेमा उनले आफैले निर्णय गर्ने बताए ।

इनेस्टाले भने कोपाको उपाधि पछि यस बारेमा प्रतिक्रिया दिदै आफुले यस साता निर्णय लिने भन्दै अझै बार्सिलोनाका लागि ला लिगा जित्न बाँकी रहेको बताएका छन् ।

बार्सिलोनाको बि टिमबाट २००२ देखि सिनियर टिममा खेल्न सुरु गरेका इनेस्टाले बार्सिलोनाका लागि कुल ६७० खेल खेल्दै ५७ गोल गरेका छन् ।

बार्सिलोनाका लागि १६ सिजन खेल्दै इनेस्टाले ३१ उपाधि जितेका छन् । जसमा ८ ला लिगा, ६ कोपा डेल रे र ४ च्याम्पियन्स लिग उपाधि सामेल छन् । 
 

सम्बन्धित समाचार

एथ्लेटीको म्याड्रिडले नेपाली फुटबलको विकासमा सहयोग गर्ने

काठमाडौँ। स्पेनको फुटबल क्लब एथ्लेटीको म्याड्रिडले नेपालको फुटबल विकासका लागि सहयोग गर्ने भएको छ ।  विश्वभर अन्तर्राष्ट्रिय सामाजिक विद्यालयहरू बनाएर फाउन्डेशनमार्फत सहयोग गर्दै आएको एथ्लेटीको म्याड्रिडले गैरआवासीय नेपाली सङ्घका अध्यक्ष भवन

सेभिलाविरुद्ध बार्सिलोनाको शानदार जित, घाइते मेसीले एल क्लासिको गुमाउने  

काठमाडौँ। स्पेनिस ला लिगामा बार्सिलोनाले सेभिलालाई पराजित गरेको छ। गएराती भएको खेलमा बार्सिलोनाले सेभिलालाई ४-२ गोल अन्तरले पराजित गरेको हो।  बार्सिलोनासँगको यो हार सँगै सेभिलाको लगातार ४ खेलमा जितको सिलसिलाको अन्त्य

ला लिगामा रियल म्याड्रिड फेरी हार्यो 

काठमाडौँ।  स्पेनिस  रियल म्याड्रिड ला लिगामा फेरी पराजित भएको छ।  शनिबार भएको खेलमा लेभांटेसँग २-१ ले पराजित भएपछि रियल म्याड्रिडको संकट बढेको छ।  लेभांटेको जितमा लुइस मोरालेस र रोजर मार्टीले एक

बार्सिलोना बराबरीमा रोकियो, रियल र बार्सालाई उछिन्दै सेभिला लिगको शिर्ष स्थानमा 

काठमाडौँ।  स्पेनिस ला लिगामा बार्सिलोना बराबरीमा रोकिएको छ।  गएराती भएको खेलमा बार्सिलोना भलेन्सियासँग १-१ गोलले बराबरी रोकिएको हो।  बार्सिलोनाका लागि लियोनेल मेसीले गोल गरेका थिए भने भलेन्सियाका लागि इजेक्वेल गेरीले गोल


z