- २०८१ बैशाख १३ बिहीबार
काठमाडौँ । संसार रहस्यले भरिएको छ । कहिलेकाहीं हामी यस्ता कुराहरू देख्छौं जुन विश्वास गर्न गाह्रो हुन्छ । अब कसैले सोध्छ ताल, नदी वा समुद्रको पानीको रंग कस्तो हुन्छ । यसको जवाफमा कसैले सेतो, वा नीलो भन्नेछन् ।
तर, के तपाईलाई थाहा छ संसारमा एउटा यस्तो नदी छ जसको पानीको रंग रगत जस्तै रातो छ । यो नदीले ठूलो संख्यामा पर्यटकहरूलाई आकर्षित गर्ने गर्दछ । यो नदी हेर्न र पानी छुन दिन हजारौं मानिसहरु आउने गर्दछन् ।
रातो पानी भएको यो नदी दक्षिण अमेरिकी देश पेरुको कुस्कोमा अवस्थित छ । यसलाई स्थानीय रूपमा पुकामायु भनेर चिनिन्छ । पेरुमा यो नदीको ठूलो महत्व छ । यो नदीको पानी निकै डरलाग्दो र रगती देखिन्छ तर यसको बहाव निकै सुस्त छ । अन्य नदीहरूको तुलनामा, पुकामायु नदी धेरै पातलो छ र यसबाट बग्ने पानीको मात्रा पनि कम छ । यो नदी मनसुनमा मात्रै बग्छ, बाँकी समयमा पानीको बहाव निकै सुस्त हुन्छ । नदीको रंग पनि दिनको बाँकी समयमा बेज र खैरोमा परिवर्तन हुन्छ ।
पेरुको पुकामायो नदी बग्ने क्षेत्र खनिजमा धनी छ । यस क्षेत्रमा आइरन अक्साइडको मात्रा धेरै हुन्छ । जसका कारण वर्षायाममा नदीको पानीमा आइरन अक्साइडको माटो धेरै मात्रामा पग्लिन्छ । यस माटोको कटानका कारण खोलाको पानीको रंग बेजबाट रातो हुन्छ । यो नदी अर्को ग्रहबाट आएको जस्तो देखिन्छ । हरियो घाँसबाट बगिरहेको रातो पानी धेरै सुन्दर देखिन्छ ।
रातो पानी नदी कस्को शहरको दक्षिण-पूर्वमा लगभग ३ घण्टा टाढा अवस्थित छ । यो नदी पाल्कोयो रेन्बो माउन्टेन उपत्यकाबाट निस्कन्छ । उपत्यकामा प्रसिद्ध भिनिकुन्का रेन्बो माउन्टेन छ, जुन कर्डिलेरा विल्कानोटा पर्वत श्रृंखलाको एक हिस्सा हो । यो नदी हेर्न वर्षायाममा धेरैजसो पर्यटक आउँछन् । त्यसबेला नदीको पानी चम्किलो रातो रङको देखिन्छ र प्रवाह पनि बाँकी दिनको तुलनामा धेरै हुन्छ ।
