दुवै च्याम्पियनलाई हराएका रोमा र लिभरपुल च्याम्पियन्स लिगमा आज भिड्दै  

खरीबोट
ad

काठमाण्डौँ । च्याम्पियन्स लिगको सेमिफाइनलको पहिलो लिग अन्तर्गत आज राति इटालीको क्लब एएस रोमा र प्रिमियर लिग क्लब लिभरपुल आमने सामने हुदै छन् ।

आज राति साढे १२ बजे लिभरपुलको घरेलु मैदानमा हुने खेलमा रोमाका पुर्वखेलाडी समेत रहेका लिभरपुलका मोहमद सलाहको खेललाई विशेष रुपमा हेरिएको छ । यस सिजनको प्रिमियर लिगको उत्कृष्ट खेलाडीको उपाधि जितेका सलाहको घरेलु मैदानमा कस्तो प्रदर्शन हुन्छ भन्ने चासो धेरैको रहेको छ ।

लिभरपुलले क्वाटरफाइनलमा प्रिमियर लिग च्याम्पियन क्लब म्यानचेस्टर सिटीलाई समग्रमा ५-१ गोल अन्तरले पराजित गर्दै प्रतियोगिताको फाइनलमा प्रवेश गरेको हो । त्यस्तै इटालियन क्लब रोमाले भने स्पेनिस जाइन्ट बार्सिलोनालाई दोस्रो लिगमा ३-० ले पराजित गर्दै प्रतियोगिताको सेमिफाइनलमा पुगेको हो ।

एकातिर लिभरपुलले यस सिजनको प्रिमियर लिगको च्याम्पियन सिटीलाई पराजित गरेर आएको छ भने अर्को तिर रोमाले यस सिजनमा ला लिगामा च्याम्पियन बन्ने तयारीमा रहेको बार्सिलोनालाई पराजित गरेर सेमिफाइनलमा आएको छ । त्यसैले पनि यो खेल अत्यन्त प्रतिष्पर्धात्मक हुने अनुमान गर्न सकिन्छ ।

यी दुई टिमको अहिलेसम्मको खेल हेर्दा दुवै टिमले खेलका ५ खेलमा लिभरपुलले २ खेलमा जित हासिल गरेको छ । त्यस्तै रोमाले एक खेल जितेको छ भने २ खेल बराबरीमा सकिएका छन् । विगतको खेल हेर्दा र घरेलु मैदानको फाइदा लिभरपुललाई हुने देखिए पनि बार्सिलोनालाई हराएर आएको रोमालाई कम्जोर भने भन्न सकिन्न ।

लिभरपुलका खेलाडी एडम ललाना, जोएल मटिप र एम्रे कान खेलका लागि उपलब्ध हुने छैनन् । लिभरपुलबाट सलाह र फिर्मिनो प्रमुख खेलाडी हुने छन् ।

त्यस्तै रोमाका कुनै खेलाडी इन्जुरी या संस्पेन्सनको सामना गरेका छैनन् । रोमाबाट सिटीका पुर्व खेलाडी डिजेको र कोलारोभ, तथा डे रोजी प्रमुख खेलाडी हुने छन् ।

च्याम्पियन्स लिगमा लिभरपुल २००७ पछि पहिलो पल्ट फाइनलमा पुग्ने प्रयासमा रहेको छ । यसअघि १९७७, १९७८, १९८१, १९८४ र २००५ मा च्याम्पियन्स लिगको उपाधि जितेको लिभरपुलले १९८५ र २००७ मा फाइनलमा पराजित भएको थियो । 

त्यस्तै रोमाले भने अहिलेसम्म च्याम्पियन्स लिगको उपाधि जितेको छैन । रोमा सन १९८४ मा लिभरपुलसँगै फाइनलमा पेनाल्टी सुटआउटमा पराजित भएको थियो ।    

लिभरपुलका म्यानेजर जर्गन क्लोपले सिटीसँगको खेलभन्दा स्टेडियममा राम्रो वातावरण हुने भन्दै आफुहरुले राम्रो खेल्ने बताए । त्यस्तै रोमाका म्यानेजर एयुसेबिओ डी फ्रान्सिस्कोले सलाहलाई रोमाका सबै खेलाडीले राम्रोसँग चिनेको भन्दै उनलाई रोक्ने उपाय आफुहरुले खोजिसकेको बताएका छन् ।

लिभरपुलका कप्तान जोर्डन हेन्डरसनले सिटीले भन्दा फरक एप्रोचले रोमा खेल्ने हुदा हामीले रोमाविरुध्द पनि राम्रो खेल्ने बताए । रोमाका कप्तान अलेक्सेन्डर कार्लोभले प्रतिष्पर्धा कडा हुने भएपनि हामीले उत्कृष्ट खेल्दै जित निकाल्ने बताएका छन् ।         
 

सम्बन्धित समाचार

एथलेटिको म्याड्रिडको जितमा ग्रीजम्यानको २ गोल 

काठमाडौँ।  च्याम्पियन्स लिग अन्तर्गत एथलेटिको म्याड्रिडले बेल्जियमको क्लब ब्रुग्गेलाई पराजित गरेको छ। गएराती भएको खेलमा एथलेटिकोले क्लब ब्रुग्गेलाई ३-१ गोल अन्तरले पराजित गरेको हो।  एथलेटिकोको जितमा एन्टोनी ग्रीजम्यानले २ गोल गरे

पिएसजीको जितमा नेइमारको ह्याट्रिक

काठमाडौँ।  च्याम्पियन्स लिगमा पिएसजीले सर्बियाको क्लब रेड स्टारविरुद्ध फर्किलो जित हासिल गरेको छ।  गएराती भएको खेलमा पिएसजीले रेड स्टारविरुद्ध ६-१ गोल अन्तरले जित हासिल गरेको छ।  पिएसजीको जितमा नेइमारले ह्याट्रिक गरेका

सलाहको फ्लप शो जारी, नापोलीसँग लिभरपुल पराजित 

काठमाडौँ।  च्याम्पियन्स लिगमा गतबर्षको उपविजेता लिभरपुल नापोलीसँग पराजित भएको छ। गएराती भएको खेलमा नापोलीले लिभरपुललाई १-० गोल अन्तरले पराजित गरेको हो।  नापोलीको जितमा लोरेञ्जो इन्साइनले खेलको एक मात्र गोल गरेका थिए।

मेसी प्रेरित बार्सिलोनाको टोटनह्याममाथि सहज जित 

काठमाडौँ।  च्याम्पियन्स लिग अन्तर्गत बार्सिलोनाले टोटनह्यामलाई पराजित गरेको छ।  गएराती भएको खेलमा बार्सिलोनाले टोटनह्यामलाई ४-२ले पराजित गरेको हो।  बार्सिलोना जितमा लियोनेल मेसीले २ गोल गरे भने फिलिप कोटीन्हो र इभान रकिटिकले


z