कक्षा ११ र १२ को परीक्षा मर्यादित बनाउन छलफल 

खरीबोट
ad

भक्तपुर । यही वैशाख १४ गतेदेखि सञ्चालन हुने कक्षा ११ र वैशाख ३० गतेदेखि सञ्चालन हुने कक्षा १२ को परीक्षा व्यवस्थित, मर्यादित र विश्वासिलो बनाउन यहाँ केन्द्राध्यक्षको गोष्ठी सञ्चालन भएको छ । 

राष्ट्रिय परीक्षा बोर्ड शाखा कार्यालय काठमाडौँले आयोजना गरेको गोष्ठीमा सहभागीले भक्तपुरमा परीक्षालाई नमूनाका रुपमा सञ्चालन गर्ने प्रतिबद्घता जनाएका छन् ।

नियमित विद्यार्थीका हकमा सम्भव भएसम्म पोशाक अनिवार्य गर्न, परीक्षा कक्षमा परीक्षार्थीले लगबुक, ग्राफपेपर, क्यालकुलेटर, गोश्वारा भौचर, कलम, मसी, इन्स्ट्रुमेन्ट बक्स र मलेप फाराम मात्र लान पाउने व्यवस्था गर्ने, परीक्षा सञ्चालन अवधिमा समस्या आएमा सम्बन्धित निकायमा टिपाउने र प्राप्त निर्देशनबमोजिम परीक्षा सञ्चालन गर्ने प्रतिबद्घता व्यक्त गरेका छन् । 

कार्यक्रममा प्रजिअ एवं जिल्ला परीक्षा समन्वय समितिका अध्यक्ष द्रोण पोखरेलले उपलब्ध स्रोत साधनलाई अधिकतम प्रयोग गरेर भक्तपुरमा कक्षा ११ र १२ को परीक्षालाई नमूनाका रुपमा सञ्चालन गर्न सरोकार भएका सबैलाई आग्रह गरे । परीक्षा बोर्ड शाखा कार्यालय काठमाडौँका प्रमुख जंगबहादुर अर्यालले परीक्षाको आचारसंहिता पूर्णरुपमा पालना गर्दै काम गर्न आग्रह गरे । 

जिल्ला शिक्षा विकास तथा समन्वय समितिका प्रमुख अर्जुन रायमाझीले नयाँ संरचनामा सबैको चासो रहने कक्षा ११ र १२ को परीक्षा थप मर्यादित बनाउन सरोकार भएका सबैको उत्तिकै जिम्मेवारी रहेको बताए ।  
 

सम्बन्धित समाचार

कक्षा ११ को परीक्षाफ़ल सार्वजनिक, यसरी हेर्न सकिन्छ नतिजा 

भक्तपुर।  राष्ट्रिय परीक्षा बोर्डले गएकाे जेठ महिनामा सञ्चालन गरेकाे कक्षा ११ को वार्षिक परीक्षाको नतिजा सार्वजनिक गरेको छ ।  प्रकाशित नतिजा अनुसार नियमिततर्फ जीपीए ३.६५ देखि ४ सम्म ल्याउनेकाे संख्या एक

एक विषयको मात्रै पूरक परीक्षा, २१ दिन पछि मात्रै प्रमाण–पत्र

भक्तपुर।  राष्ट्रिय परीक्षा बोर्ड सानोठिमीले कक्षा १२ का विद्यार्थीलाई एक विषयमा मात्रै ग्रेड वृद्धि अर्थात् पूरक परीक्षामा सहभागी हुने अवसर दिने भएको छ ।  कक्षा १२ को नतिजा प्रकाशित गर्न आज

कक्षा १२ को नतिजा आज सार्वजनिक हुदै 

काठमाडौँ। राष्ट्रिय परीक्षा बोर्डले प्राविधिक समस्या आएको भन्दै कक्षा १२ को नतिजा आज मात्रै सार्वजनकि गर्ने तयारि गरेको छ । मंगलबार नतिजा प्रकाशनको लागि सबै काम सकिएको जनाउँदै बुधबार नतिजा

कक्षा १२ को नतिजा विहिबार आउने 

काठमाडौँ। राष्ट्रिय परीक्षा बोर्डले प्राविधिक समस्या आएको भन्दै कक्षा १२ को नतिजा बिहीबार मात्रै सार्वजनकि गर्ने भएको छ । मंगलबार नतिजा प्रकाशनको लागि सबै काम सकिएको जनाउँदै बुधबार नतिजा सार्वजनिक


z