गर्भपतन सेवा लिन आउनेको संख्या वर्षेनी बढ्दै

खरीबोट

ललितपुर । लुभुस्थित प्राथमिक स्वास्थ्य केन्द्रमा गर्भपतन सेवा लिन आउनेको संख्या वर्षेनी बढिरहेको छ । 

आर्थिक वर्ष २०७३÷७४ मा जम्मा ५४ जना महिलाले गर्भपतन गराएको केन्द्रले जनाएको छ । अहिले संख्या त्योभन्दा बढिरहेको केन्द्रमा कार्यरत हेल्थ असिस्टेण्ट अर्जुन लाबदले बताए । उनले भने, ‘अहिले नै ६० नाघिसकेको छ र यो संख्या अझै बढ्न सक्नेछ ।’

स्वास्थ्य संस्था र गर्भपतन गराउन दक्ष जनशक्ति दुबै सूचीकृत भएपछि केन्द्रले गर्भपतन सेवा शुरु गरेको हो । केन्द्रमा औषधिबाट र सर्जिकल गरेर दुबै खालका गर्भपतन सेवा उपलब्ध छ । नौ हप्तासम्मको गर्भ औषधिबाट र नौ हप्तादेखि १२ हप्तासम्मको गर्भपतन सर्जनबाट मेसिनबाट गर्ने लाबद बताउन्छन् । 

नौ हप्ता भन्दा कममा पनि महिलाले चाहदा मेसिनको प्रयोगबाट गर्भपतन हुन्छ । उनी भन्छन्, ‘औषधिको प्रयोग गर्दा एक मात्रा स्वास्थ्य संस्थामा प्रयोग गरेर बाँकी घरमा नै गर्न हुने भएकाले महिलाले औषधि नै रुचाउँछन् ।’ 

हाडनाता करणी, बच्चा जन्मदा आमाको स्वास्थ्यलाई असर पर्नेलगायतका अवस्थामा मात्रै १२ हप्तादेखि १८ हप्तासम्मको संस्थागत क्लिनिकहरुले गर्भपतन सेवा दिइरहेका छन् ।

सम्बन्धित समाचार

सुरक्षित गर्भपतनमा बढ्दो आकर्षण, चुनौती कायमै

काठमाडौँ । नेपालमा सुरक्षित गर्भपतनका लागि गर्भवती महिलाहरू आकर्षित हुन थालेका छन् । नेपाल सरकारले ग्रामीण भेगसम्म सरकारी स्वास्थ्य संस्थाबाट निःशुल्क सुरक्षित गर्भपतनको सेवा प्रदान गर्न थालेपछि महिलामा यस्तो आकर्षण

रुओन नेपालको सुरक्षित गर्भपतनसम्बन्धी गोष्ठी

काठमाडौं । रुओन नेपालको सुरक्षित गर्भपतन सेवासम्बन्धी सञ्चारकर्मीसँगको गोष्ठी सम्पन्न भएको छ । सोमबार रिपोर्टर्स क्लबमा आयोजित गोष्ठीमा नेपालको सुरक्षित गर्भपतन सेवासम्बन्धी जानकारी गराइएको थियो ।  गोष्ठीमा बोल्दै  रुओन नेपालकी कार्यक्रम

गर्भपतनलाई परिवार नियोजनको साधनका रुपमा लिने प्रवृत्ति बढ्दो

पाल्पा । पाल्पा जिल्लामा गर्भपतनलाई परिवार नियोजनका साधनका रुपमा लिन थालिएको छ । परिवार नियोजनका साधनका रुपमा सम्झी पछिल्लो समय गर्भपतन गराउने महिलाको सङ्ख्या दिनप्रति दिन बढ्दो अवस्थामा छ । एकै

समाजका डरले असुरक्षित गर्भपतन बढ्दो

बाँके । नेपाल सरकारले सुरक्षित गर्भपतनलाई कानूनी मान्यता प्रदान गरे पनि बाँकेमा सुरक्षितभन्दा पनि असुरक्षित गर्भपतन गराउनेको सङ्ख्या अत्याधिक छ । गर्भपतन गराउनेमा अविवाहित महिलाको सङ्ख्या बढी देखिएको छ । जाजरकोट


z