नारायणगढ–मुग्लिन सडकखण्डमा बायोइन्जिनियरिङको कामलाई तीव्रता

खरीबोट

फाइल तस्विर । 

ad

चितवन / मनसुन शुरु भएसँगै नारायणगढ–मुग्लिन सडकखण्डमा बायोइन्जिनियरिङको कामलाई तिव्रता दिइएको छ । 

सो सडक विस्तारका क्रममा भित्तो काटिएकाले पहिरो खस्न सक्ने ठाउँमा खुकुलो माटो रोक्न बायोइन्जिनियरिङ गरिँदै छ । 

नारायणगढ–मुग्लिन सडक आयोजनाका परामर्शदाता कम्पनीका वातावरण विज्ञ जनकराज पाठकका अनुसार सन् २०१६ र २०१७ मा ११० ठाउँमा बायोइन्जिनियरिङको काम सम्पन्न गरिएको थियो । यस वर्ष थप ३८ ठाउँमा बायोइन्जिनियरिङको काम गरिँदैछ । सो सडकका १४८ ठाउँमा बायोइन्जिनियरिङको काम गर्ने योजना रहेको छ। 

वातावरण विज्ञ पाठकका अनुसार जुटको जाली बनाएर माटो रोक्ने जुटनेटिङ, बाँसको पर्खाल लगाउने, घाँस लगाउने, रुख बिरुवा रोप्ने, बाँस रोप्ने, बोटबिरुवाको मुठो बनाएर एकै ठाउँमा रोप्ने, रुखको बीउ रोप्ने, भिरालो जमिन मिलाउनेलगायतका कार्य बायोइन्जिनियरिङभित्र पर्छ । 

बाँससँगै सिमली, आँक, सजिवन, शिरिष, बाबियो, बकाइनोजस्ता चाँडै सर्ने र हुर्कने बिरुवा रोपिने गरिन्छ । रुख बिरुवा लगाउने कार्य मनसुन शुरु भएपछि नै गर्नुपर्ने हुन्छ भने अन्य कार्य अरु समयमा पनि गर्न सकिन्छ । 

हाल सो सडकको सेती दोभान र केराबारीमा काम भइरहेको वातावरण विज्ञ पाठकले जानकारी दि ए । 

बायोइन्जिनियरिङको काममा गएको दुई वर्षमा रु ७७ लाख खर्च भइसकेको छ भने यस वर्ष पनि करिब  १४ लाख हाराहारीमा खर्च हुने अनुमान गरिएको छ । 

कतिपय ठाउँ थपिएपछि बायोइन्जिनियरिङसहितका पहिरो रोक्ने कामका लागि सडकलाई दुई भागमा विभाजन गरेर दुई ठेकेदार कम्पनीलाई कामको जिम्मा लगाइएको छ । उनीहरुले पनि बायोइन्जिनियरिङसहित पहिरो रोक्ने काम गरिरहेका छन् । 

सो सडकको विस्तारको काम अन्तिम चरणमा पुगेको छ । वर्षात्को समयमा सडक राम्रो भए पनि भित्तोबाट पहिरो नखसोस् भन्नका लागि बायोइन्जिनियरिङको काम गरिएको हो । 

सम्बन्धित समाचार

नारायणगढ–मुग्लिन सडकखण्डमा पहिरो पन्छाएको पैसा नपाएको भन्दै ठेकेदारले ढिलाइ गर्दा सडक खुलेन

चितवन / पहिरो पन्छाएको रकम नपाएको भन्दै ठेकेदारले काम नगरेपछि आज बिहान टोपे खोलामा खसेको पहिरो पन्छाउन ढिलाइ भएको छ ।  नारायणगढ–मुग्लिन सडकखण्डको तेस्रो भागको ठेक्का लिएको सुप्रिम रौताहा जेभिले यसअघि खसेका

नारायणगढ–मुग्लिन सडकखण्डमा पहिरो रोक्ने काम तीव्र गतिमा

चितवन । नारायणगढ–मुग्लिन सडकको विस्तारका क्रममा कालोपत्रेको पहिलो तह सकिएसँगै पहिरो रोक्ने कार्यलाई तीव्रता दिइएको छ ।  सडक राम्रो बन्दै गर्दा भित्तातर्फबाट पहिरो खस्ने जोखिम जारी नै रहेकाले पहिरो रोक्ने कार्यलाई तीव्र

नारायणगढ–मुग्लिन सडकखण्डमा बायोइन्जिनियरिङको कामलाई तीव्रता

चितवन / मनसुन शुरु भएसँगै नारायणगढ–मुग्लिन सडकखण्डमा बायोइन्जिनियरिङको कामलाई तिव्रता दिइएको छ ।  सो सडक विस्तारका क्रममा भित्तो काटिएकाले पहिरो खस्न सक्ने ठाउँमा खुकुलो माटो रोक्न बायोइन्जिनियरिङ गरिँदै छ ।  नारायणगढ–मुग्लिन सडक

नारायणगढ–मुग्लिन सडकखण्डमा पहिरोको जोखिम बढ्यो

चितवन । सामान्य पानी पर्दासमेत नारायणगढ–मुग्लिन सडकखण्डमा पहिरो खस्न थालेपछि यात्रामा जोखिम बढेको छ । गएको एक सातामा दैनिक पहिरो खस्दै आएको छ । एकै दिनमा साना ठूला गरी चार


z