उत्तर कोरिया र अमेरिकाबीच ‘महत्वपूर्ण कागज’मा हस्ताक्षर 

खरीबोट

तस्बिर : CNN

ad

काठमाडौं । उत्तर कोरिया र अमेरिकाले कोरियाली प्रायद्वीपलाई आणविक निरस्त्रीकरणको बाटोमा लैजाने ‘महत्वपूर्ण कागज’मा मंगलबार हस्ताक्षर गरेको अमेरिकी तथा विभिन्न अन्तर्राष्ट्रिय मिडियाहरुले जनाएका छन् ।

मंगलबार दुई ‘शत्रुदेश’का राष्ट्रपतिहरु किम जोङ उन र डोनाल्ड ट्रम्पले सिंगापुरको सेन्टोसा आइस्ल्याण्डमा कपेल्ला होटलमा भएको ऐतिहासिक भेटवार्ताका दौरान उक्त हस्ताक्षर गरेका हुन् । 

यद्यपि उक्त हस्ताक्षरित कागगजमा के—के बुँदा समेटिएका छन् भन्ने सार्वजनिक भइसकेको छैन । आजै उक्त सहमतिका बुँदाहरु मिडियालाई हस्तान्तरण गर्ने अमेरिकी राष्ट्रपति ट्रम्पले किम जोङ उनसँगै उपस्थित भएर मिडियाहरुलाई बताएका छन् । केही समयपछि नै ट्रम्पले पत्रकार सम्मेलन गरी यसबारे विस्तृतमा बताउने भएका छन् । 

मंगलबार दुई राष्ट्रपतिबीच भएको पाँच घण्टा लामो शान्तिवार्ताको प्रयासस्वरुप उक्त कागजमा हस्ताक्षर भएको हो ।

किम निस्किए 
सीएनएनका अनुसार उत्तर कोरियाली राष्ट्रपति किम भर्खरै शिखरसम्मेलनबाट बाहिरिएका छन् । संयुक्त हस्ताक्षर कार्यक्रमलगत्तै किम निस्किएका हुन् ।   

किमलाई ह्वाइटहाउसमा बोलाउँछु : ट्रम्प 
यसैबीच, अमेरिकी राष्ट्रपति ट्रम्पले दुई राष्ट्रपतिको संयुक्त हस्ताक्षरलगत्तै मिडियासँग कुरा गर्दै किमलाई ह्वाइटहाउसमा बोलाउने बताएको सीएनएनले जनाएको छ । उनले सो क्रममा सम्मेलनबाट किम र आफूबीच महत्वपूर्ण सम्बन्ध स्थापित भएको पनि बताएका छन् । 

दुईदेशको झण्डाअगाडि भेट
ऐतिहासिक सम्मेलनको सुरुवात किम र ट्रम्पले उक्त होटलमा दुवै देशको झण्डा अगाडि सम्मानित र कूटनीतिक परम्पराअनुरुप ऐतिहासिक भेट गर्दै हात मिलाएका थिए । सो क्रममा ट्रम्पले किमको प्रशंसा गर्दै किम एक असल वार्ताकार भएको पनि बताएका थिए । किमले आफ्ना जनता र देशका लागि वार्ताको टेबलमा बसेको ट्रम्पको प्रतिक्रिया थियो । 

आणविक निरस्त्रीकरण तीव्रगतिमा 
यसैबीच, अमेरिकी राष्ट्रपति डोनाल्ड ट्रम्पले कोरियाली प्रायद्वीपमा आणविक निरस्त्रीकरण एकदमै तीव्रगतिमा सुरु हुने बताएका छन् । उत्तर कोरियाली नेता किमसँगको भेटलगत्तै ट्रम्पले मिडियाको प्रश्नको उत्तर दिँदै उक्त खुलासा गरेका हुन् । 

विश्वले छिट्टै परिवर्तन देख्नेछ : किम 
यसैबीच, उत्तर कोरियाली राष्ट्रपति किमले पनि विश्वले चाँडै परिवर्तन देख्ने घोषणा गरेका छन् । राष्ट्रपति ट्रम्प र आफूबीच ऐतिहासिक भेटघाट भएको भन्दै किमले विगतलाई छोडेर अगाडि बढेको बताएका हुन् । दुई राष्ट्रपतिले यो प्रगतिलाई निरन्तरता दिँदै अगाडि बढ्ने समेत मिडियासँगको कुराकानीमा बताएका थिए । 

यसअघि सिंगापुरमा भइरहेको यो ऐतिहासिक भेटवार्तामा पहिलो चरणमा ट्रम्प र किमले भेटवार्ता गरेका थिए । होटलको लाइब्रेरीमा भएको सो भेटवार्ता अघि दुवैले मिडियासँग छोटो कुराकानी गरेका थिए ।

डोनाल्ड ट्रम्पले आफुले निकै राम्रो महसुस गरेको भन्दै हामीबीच राम्रो कुराकानी हुने छ भन्दै उनले भेटवार्ता सफल हुनेमा आफु विश्वस्त रहेको बताएका थिए । ट्रम्पले आफ्नो लागि यो निकै सम्मानको कुरा भएको बताउदै हामीबीच राम्रो सम्बन्ध स्थापित हुनेमा आफुलाई कुनै शंका नरहेको बताएका थिए ।

त्यस्तै उत्तर कोरियाली किमले यँहा सम्म आउन आफुले निकै मिहिनेत गरेको र निकै कठिनाइका बीच आफु यँहा आएको बताएका थिए । उनले विगतमा निकै उतार चढावबाट गुज्रिएको बताउदै यस वार्ता सकारात्मक टुंगोमा पुग्ने विश्वास लिएको बताएका थिए ।

एक्ला एक्लै भएको बैठक पछि दुवै नेताहरु आ-आफ्ना विशेष सहयोगीका साथ बैठकमा बसेका थिए । अमेरिकी राष्ट्रपति ट्रम्पसँग विदेश मन्त्री माइक पोम्पियो, ह्वाइट हाउसका चिफ अफ स्टाफ जोन केली र सुरक्षा सल्लाहकार जोन बाल्टन रहेका छन् भने उत्तर कोरियाली नेता किमसँग उनका सहयोगी किम योंग चोल, विदेश मन्त्री री योग र पुर्व विदेशमन्त्री री सु योंग साथमा रहेका थिए ।

उत्तर कोरियाका एजेन्डा :

यसैबीच यस शिखर वार्ताका लागि उत्तर कोरियाले गर्दै आएको आणविक क्षेप्यास्त्रको उत्पादन र यसको परीक्षणको बारेमा स्पष्ट धारणा राख्ने बताइएको थियो। 

साथै विश्व समुदायबाट कूटनीतिक तथा अन्य हिसाबले पनि एक्लिएको उत्तर कोरियाले संयुक्त राज्य अमेरिका र संयुक्त राष्ट्रसंघसँग पनि केही गुनासोहरु वा उसमाथि लगाइएको नाकाबन्दी खोल्ने विषयमा पनि केही मागहरु राख्न सक्ने अनुमान विश्लेषकहरुले गरेका थिए । 

वार्ताको खर्च डेढ सय करोड :

यसैबीच प्राप्त अर्को एक समाचारअनुसार सिङ्गापुरले आयोजना गरेको यस बैठकका लागि करिब एक करोड ५० लाख अमेरिकी डलर खर्च हुने अनुमान गरिएको सिङ्गापुरले जनाएको छ । 

सिङ्गापुरका प्रधानमन्त्री ली सिएन लुङले आइतबार मात्र उक्त खर्चको बारेमा जानकारी दिँदै सो कुरा बताए । 

संयुक्त राज्य अमेरिकाका राष्ट्रपति तथा उत्तर कोरियाली नेताबीच यही मङ्गलबार हुने शिखर वार्ताका लागि सिङ्गापुरले एक करोड ५० लाख अमेरिकी डलर खर्च गर्ने योजना बनाएको उनले सुनाए । 

खर्चको करिब पचास प्रतिशत त सुरक्षा प्रबन्धमा नै लगाइएको उनले भने । उनले सिङ्गापुरले शान्तिका लागि आफ्नो देशले प्रयत्न गरेको तर यहाँको खर्चको विवरणका लागि निकै चासोका साथ प्रश्नहरु उठेकोले उक्त खर्चको कुरा गरेको बताएका थिए । 

सकारात्मक प्रयास : विश्व समुदाय 

यसैबीच सिङ्गापुरमा हुन लागेको अमेरिका र उत्तर कोरियाको यस शिखर वार्ता निकै नै सकारात्क प्रयास भएको विश्व समुदायले प्रतिक्रिया दिएको छ । 

विश्व समुदायले यस प्रयासबाट विश्वमा शान्ति स्थापना होस् भन्ने कामना पनि गरेको छ । आणविक अस्त्रको होडभन्दा यसरी वार्तामा बसेर सकारात्मक रुपमा आफ्ना विचार राख्नुले विश्वमा नै शान्ति र सौहार्दताको सन्देश जाने उनीहरुको ठहर छ । 

यस वार्ताले कोरियाली प्रायद्धीप, एसिया तथा यतिमात्र नभएर सिंगो विश्वमा नै शान्ति स्थापनाको मार्ग खोल्न सकोस भन्ने कामना पनि विश्वका नेताहरु, विभिन्न संघ संस्था र देशले गरेका छन् ।

ट्रम्प आजै अमेरिका फर्किने 

अमेरिकी राष्ट्रपति डोनाल्ड ट्रम्प आजै अमेरिका फर्किने भएका छन् । 

ट्रम्प अपेक्षा गरिएभन्दा चाडो उनी वार्ता भएकै दिन बेलुका स्वदेश फर्किन तयार भएको अमेरिकी राष्ट्रपतिको कार्यालय ह्वाईट हाउसले सोमबार जनाएको छ । 

सामूहिक भेटवार्तापछि उहाँहरुका बीचमा एक्ला एक्लै भेटवार्ता हुने छ । एक्ला एक्लै भेटवार्तामा उहाँहरू बाहेक भाषा अनुवादक मात्रै सहभागी हुनेछन् । त्यसपछि विभिन्न दुई पक्षीय भेटवार्ता र खाना खानेलगायतका कार्यक्रमहरु तय भएका छन् ।   

सम्बन्धित समाचार

ट्रम्प प्रशासनद्वारा प्यालेस्टिनी कार्यालय बन्द गर्ने तयारी

वासिङ्टन। संयुक्तराज्य अमेरिकाले वासिङ्टनमा रहेको प्यालेस्टाइन लिबरेसन अर्गनाइजेसनको कार्यालय बन्द गर्ने तयारी गरेको अमेरिकी अधिकारीहरुले जनाएका छन् ।  राष्ट्रिय सुरक्षा सल्लाहकार जोन बोल्टनले सोमबार अपराह्न यससम्बन्धी घोषणा गर्ने बताइएको छ ।

ट्रम्पका पूर्वसल्लाहकारलाई जेल सजाय

वासिङ्टन (अमेरिका) । अमेरिकी राष्ट्रपति डोनल्ड ट्रम्पका एकजना पूर्वसल्लाहकारलाई १४ दिनका लागि जेलसजायको फैसला सुनाइएको छ । अमेरिकाको वाशिङटन डीसीस्थित अदालतमा झूट बोलेर गल्ती गरेको बताएका ३१ वर्षीय जर्ज पापाडोपलसलाई जेल

न्युयोर्क टाइम्समा ट्रम्पकै वरिष्ठ कर्मचारीले गोप्य लेख लेखे, के भने ट्रम्पले ?

अमेरिका । अमेरिकी पत्रिका द न्युयोर्क टाइम्समा राष्ट्रपति डोनाल्ड ट्रम्प प्रशासनकै एक वरिष्ठ अधिकारीले गोप्य लेख ‘ट्रम्प प्रशासनभित्र ट्रम्पको एजेण्डाविरुद्ध प्रतिवाद गर्ने म पनि एक कर्मचारी हुँ’ भन्दै लेखेपछि अमेरिकी राजनीति

अमेरिकी राष्ट्रपति ट्रम्पका दुई सहयोगी दोषी ठहर

न्यूयोर्क। अमेरिकी अदालतले अमेरिकी राष्ट्रपति डोनाल्ड ट्रम्पमाथि सन् २०१६ को चुनावी अभियानमा वित्तीय नियमको उल्लङ्घन गरेको आरोप लगाएको छ भने उहाँका दुईजना नजिकका सहियोगीमाथि जेल सजाय तोकेको छ । राष्ट्रपति