असी प्रतिशत सवारी दुर्घटना मानवीय कारणले

खरीबोट

काठमाडौँ / चालु आर्थिक वर्षको जेठ मसान्तसम्म देशभर दुई हजार ३१८ जनाले सवारी दुर्घटनाबाट ज्यान गुमाएका छन् । 

नेपालमा साँघुरा सडक र सवारी साधनको संख्या बढी हुँदा ज्यान गुमाउनेको संख्यामा वृद्धि भएको हो । जसमध्ये काठमाडौँ उपत्यकामा मात्र ज्यान गुमाउनेको संख्या १६८ रहेको छ । 

महानगरीय ट्राफिक प्रहरी महाशाखाको आयोजनामा ‘सवारी दुर्घटना न्यूनीकरणसम्बन्धी एकदिने सम्मेलन’मा काठमाडौँ महानगरपालिकाका प्रमुख प्रशासकीय अधिकृत यादवप्रसाद कोइरालाले कानूनको पालना र अनुशासनका साथ यात्रा गरे सवारी दुर्घटनामा कमी आउने बताए । “प्रतिस्पर्धाका कारण सवारी चलाउँदा दुर्घटनामा वृद्धि भएको छ”, उनले भने । 

ट्राफिक व्यवस्थापनका लागि ट्राफिक बत्ती, आकाशे पुल निर्माण, बसस्टपको व्यवस्थापनका लागि काठमाडौँ महानगरपालिकाले काम गरिरहेको उनको भनाइ छ । 

काठमाडौँका प्रमुख जिल्ला अधिकारी केदारनाथ शर्माले जानेका कुरालाई व्यवहारमा उतार्न सकेमात्र सवारी दुर्घटनामा कमी आउने बताए । यातायात व्यवस्था विभागका निमित्त महानिर्देशक प्रेमकुमार सिंहले चालककै कारण धेरैै दुर्घटना हुने भएकाले यसलाई रोक्न सकेमात्र पनि सवारी दुर्घटना कम हुने बताए । 

नागरिक अगुवा कनकमणि दीक्षित, हाँस्य कलाकार किरण केसीलगायतले धेरै सवारी साधन र साँघुरो बाटोका कारण सवारी दुर्घटना बढेको भन्दै सार्वजनिक सवारी साधनको विकास गरी साना सवारी साधनलाई विस्थापित गर्ने बाटोमा सरकार लाग्नुपर्नेमा जोड दिए । 

महानगरीय प्रहरी कार्यालयका प्रमुख एवं प्रहरी नायब महानिरीक्षक मनोज नेउपानेले सार्वजनिक सवारी साधनमा हुने महिला हिंसा रोक्न महानगरीय प्रहरी कार्यालयले विशेष योजना बनाएर लागू गर्न लागेको बताए । 

मुलुकमा हुने कूल दुर्घटनाको आधा दुर्घटना काठमाडौँमा हुने गरेको छ । चालु आर्थिक वर्षको जेठ मसान्तभित्र उपत्यकामा पाँच हजार ७८१ दुर्घटनामा परी १६८ जनाको मृत्यु र चार हजार ९९ जना घाइते भएको महाशाखाका प्रमुख वसन्तकुमार पन्तले जानकारी दिए । “कूल दुर्घटनाको ८० प्रतिशत दुर्घटना मानवीय कारणबाट हुने गरेको छ”, उनले भने । 

सवारी दुर्घटनाबाट मुलुकभर प्रत्येक दिन औशतमा सात जनाको मृत्यु हुने गरेको छ । हाल नेपालभर ३० लाख ५२ हजार ३९७ र काठमाडौँ उपत्यकामा मात्र झण्डै ११ लाख सवारी साधन रहेका छन् । 
 

सम्बन्धित समाचार

सर्लाहीमा छुट्टछुट्टै सवारी दुर्घटनामा ४ जनाको मृत्यु, तीन घाइते

सर्लाही । सर्लाही जिल्लामा आज बिहान भएको छुट्टछुट्टै सवारी दुर्घटनामा चार जनाको मृत्यु भएको छ भने तीन जना गम्भीर घाइते भएका छन् ।  पूर्व–पश्चिम लोकमार्गअन्तर्गत सर्लाहीको ईश्वरपुर–१२ बाँके जङ्गलमा रोकी राखेको

सवारी दुर्घटनाको डरलाग्दो तथ्याङ्क ! 

बारा। बारा जिल्ला लगायत प्रदेश नम्बर २ को छुट्टा–छुट्टै ८ वटा जिल्लामा डर लाग्दो सवारी दुर्घटना भएको देखिएको छ । प्रदेश नम्बर २ को प्रादेशिक ट्राफिक प्रहरी कार्यालय , पथलैया

ललितपुरको एकान्तकुनामा सवारी दुर्घटनामा ट्राफिक प्रहरीको मृत्यु

काठमाडौँ। ललितपुरको एकान्तकुनामा गएराती भएको सवारी दुर्घटनामा एक ट्राफिक प्रहरीको मृत्यु भएको छ । महानगरीय ट्राफिक प्रहरी वृत कालीमाटीमा कार्यरत प्रहरी जवान सुमन प्रसाद कँडेलको मृत्यु भएको हो ।  कँडेलले चलाएको

प्रदेश नं ५ मा दशैँ तिहारमा सवारी दुर्घटनामा ४१ जनाको मृत्यु

दाङ । प्रदेश नं ५ मा दशैँ तिहारमा ३६७ सवारी दुर्घटनामा ४१ जना मानिसको ज्यान गएको छ । प्रदेश नं ५ प्रहरी कार्यालय तुलसीपुर दाङका प्रवक्ता प्रहरी नायब उपरीक्षक पुष्पराज


z