- २०८१ बैशाख ७ शुक्रबार
काठमाडौँ । विश्वकप फुटबल जितेको फ्रान्सका खेलाडीहरुलाई पेरिसमा भव्य स्वागत गरिएको छ ।
पेरिसमा विजेता खेलाडीलाई स्वागत गर्न ५ लाख मानिसहरु भेला भएका थिए । विश्वकप ट्रफिसहित पेरिस पुगेका खेलाडीहरुलाई पेरिसको सडकमा भव्य स्वागत गरिएको थियो ।
फ्रान्सेली फुटबल टोलीलाई पेरिस विमानस्थल देखि नै भव्य स्वागत गरिएको थियो ।
खेलाडी तथा प्रशिक्षकलाई राजधानी पेरिसमा परेडसहित सम्मान गरिएको छ । यसैबीच फ्रान्सेली विश्वकप विजेता टिमलाई देशकै सर्वोच्च पदक लिजन दी अनरबाट सम्मानित गरिने भएको छ । फ्रान्सेली राष्ट्रपतिको कार्यालयबाट फुटबल टोलीलाई देशकै सर्वोच्च पदकबाट सम्मानित गरिने जानकारी दिइएको बिबिसीले जनाएको छ ।
पेरिसमा फुटबल प्रशंसकले आइतबार रातभर जितको खुशीयाली मनाएका थिए । केही ठाउँमा हिंसात्मक घटना भएपछि प्रहरीले अश्रुग्यास प्रहार गरेकोमिडिया रिपोर्टमा जनाइएको छ ।
