- २०८१ बैशाख ७ शुक्रबार
काठमाडौँ । क्रिस्टियानो रोनाल्डोले एक रिसोर्टमा २५ लाख टिप्स दिएको खुलासा भएको छ ।
विश्वकपमा उरुग्वेसँग पराजित भएपछि परिवारसहित छुट्टी मनाउन ग्रिस गएका रोनाल्डोले ग्रिसको रिसोर्टका कर्मचारीको सर्भिसबाट खुशी भएर ठुलो रकम टिप्स दिएको खुलेको छ । रोनाल्डोले रिसोर्टका सबै कर्मचारीलाई १७ हजार ८ सय ५० पाउण्ड टिप्स दिएको बताइएको छ । सो रकम नेपालीमा २५ लाख ५० हजार हुने गर्दछ ।
रोनाल्डो सोहि रिसोर्टबाट इटालियन क्लब युभेन्टससँग सम्झौता गर्न टुरीन शहर पुगेका थिए । त्यसअघि सोही रिसोर्टमा युभेन्टसका अध्यक्ष र रोनाल्डोबीच ट्रान्सफरका बारेमा छलफल भएको थियो ।
स्पेनको म्याड्रिड शहरबाट इटालीमा बसाई सर्ने तयारीमा रहेका रोनाल्डोले रिसोर्टको सर्भिस र सेवाबाट प्रभावित भएर ५ अंकको टिप्स दिएको बताइएको छ ।
हाल नाईकको फुटबल टुरका लागि चीन पुगेका रोनाल्डो युभेन्टसबाट सिरी ए को पहिलो खेल देखि नै खेल्ने बताएका छन् ।
