निजी मेडिकल कलेजलाई राष्ट्रियकरण गर्न युवा तथा विद्यार्थीको माग

खरीबोट

काठमाडौँ । युवा तथा विद्यार्थी संगठनले निजी क्षेत्रबाट सञ्चालित सम्पूर्ण मेडिकल कलेजलाई राष्ट्रियकरण वा गैरनाफामुखी ट्रष्टमा रुपान्तरण गर्न माग गरेका छन् । 

युवा संघ नेपाल, योङ कम्युनिष्ट लिग नेपाल (वाइसिएल), अनेरास्ववियु र अनेरास्ववियु (क्रान्तिकारी)को आज बसेको बैठकले नेपालको संविधानको प्रस्तावनामा उल्लेखित समाजवाद उन्मुख व्यवस्थाको मर्म एवं शिक्षा र स्वास्थ्यलाई नागरिकको मौलिक हकका रुपमा गरिएको संवैधानिक सुनिश्चितको प्रावधानअनुसार निजी क्षेत्रबाट सञ्चालित सम्पूर्ण मेडिकल कलेजलाई अविलम्ब राष्ट्रियकरण वा गैरनाफामुखी ट्रष्टमा रुपान्तरण गर्न माग गरेको क्रान्तिकारीका उपाध्यक्ष सुरेन्द्र बस्नेतले जानकारी दिए । 

बैठकले सबै प्रदेशमा एक सुविधा सम्पन्न सरकारी शिक्षण अस्पताल सञ्चालनको प्रक्रिया अविलम्ब शुरु गर्न, चिकित्सा शिक्षाभित्रको छात्रवृत्तिलाई न्यून आय, गरीब र लक्षित समुदाय आधारित बनाई त्यसलाई पारदर्शी ढंगले वितरण गर्न माग गरेका छन् । 

यस्तैगरी आधारभूत तहका जनताको जीवनसँग खेलबाड गर्दै स्वास्थ्य जस्तो अत्यन्तै संवेदनशील क्षेत्रमा बन्द, हड्ताल गर्न पूर्णरुपमा प्रतिबन्ध लगाउनुपर्ने, जनताको करबाट उठेको तलब भत्ता खाई जनतालाई निर्वाध सेवा नदिने अधिकारीलाई तत्काल कारबाही गर्न सरकारसँग आग्रह गरेका छन् । 

उहाँका अनुसार बैठकले स्वास्थ्य शिक्षामा देखिएका सबै समस्या दीर्घकालीन ढंगले समाधान गर्नका लागि उच्चस्तरीय चिकित्सा शिक्षा आयोग गठन गरी अविलम्ब काम सञ्चालन गर्नसमेत माग गर्दै चिकित्सा शिक्षालगायतका जल्दाबल्दा समस्याको समाधानका लागि जनताको लोकप्रिय ‘म्याण्डेट’ पाएको सार्वभौमसत्ता सम्पन्न संसद्लाई छलफल र निकासको साझा थलो बनाउनुपर्ने उल्लेख गरेको छ । 

बैठकले राष्ट्रिय चिकित्सा आयोगबाट नै समस्या निरोपण हुने भएकाले जारी डा गोविन्द केसीको अनशन वार्ताबाट तत्काल अन्त्य गर्दै डा केसीको आन्दोलनमा भएको राजनीतिक घुसपैठ, अराजकता र दण्डहीनताको तत्काल अन्त्यको समेत माग गरेको छ । 

बैठकले अनेकन प्रलोभनमा पारी मुलुक बाहिर विद्यार्थी पठाउँदै आएका नेम र भाइब्रेन्टजस्ता इन्स्टिच्युटलाई छानबिन गरी कडा कारबाही गर्न माग गरेका छन् । बैठकमा वाइसिएल नेपालका अध्यक्ष रामप्रसाद सापकोटा, युवा संघ, नेपालका अध्यक्ष रमेश पौडेल, अनेरास्ववियुका अध्यक्ष नवीना लामा र क्रान्तिकारीका अध्यक्ष रञ्जीत तामाङको सहभागिता थियो । 

सम्बन्धित समाचार

मेडिकल कलेजको कार्यालय खुलेपछि बर्दिवासवासी उत्साहित

महोत्तरी । महोत्तरीको बर्दिवासमा मेडिकल कलेज पूर्वाधार निर्माण विकास परियोजनाको कार्यालय स्थापना भएपछि स्थानीयवासी उत्साहित भएका छन् । बर्दिवास नगरपालिका–१ स्थित बुधबार मेडिकल कलेज पूर्वाधार निर्माण विकास परियोजनाको कार्यालय सञ्चालन भएसँगै

मेडिकल कलेजका शुल्क अध्ययन गर्न संसदीय समिति गठन

काठमाडौँ /  चिकित्सा विज्ञानका स्नातक तह (एमबिबिएस र बिडिएस) सहित अन्य कार्यक्रमका निर्धारित शुल्क कार्यान्वयन बारेमा अध्ययन गर्न प्रतिनिधिसभा, शिक्षा तथा स्वास्थ्य समितिले नौ सदस्यीय अध्ययन उपसमिति गठन गरेको छ ।  समितिका

बुटवलमा प्रदेशस्तरीय मेडिकल कलेज बन्ने, प्रधानमन्त्री ओलीद्वारा उद्घाटन 

बुटवल । प्रधानमन्त्री केपी शर्मा ओलीले प्रदेश नं ५ को रुपन्देहीस्थित तिलोत्तमा नगरपालिकामा बुटवल मेडिकल कलेज पूर्वाधार निर्माण विकास आयोजनाको आज उद्घाटन गरेका छन् । सरकारको एक प्रदेश एक मेडिकल कलेजको

मेडिकल कलेजमा लिइएको बढी शुल्क फिर्ता गरिने

काठमाडौँ । विभिन्न मेडिकल कलेजमा जथाभावी शुल्क लिइएको तथा विद्यार्थी परीक्षा फारम भर्नबाट वञ्चित गराइएको विषयमा आज शिक्षा, विज्ञान तथा प्रविधि मन्त्रालय, विश्वविद्यालयका पदाधिकारी र विद्यार्थी सङ्गठनका पदाधिकारीबीच सहमति भएको


z