- २०८१ बैशाख ८ शनिबार
काठमाडौँ। प्रधानमन्त्री केपी शर्मा ओलीले कानुनमन्त्रीमा भानुभक्त ढकाललाई नियुक्त गरेका छन्।
बंगलादेश चिकित्सा शिक्षा पढ्ने विद्यार्थीका बारेमा गलत अभिव्यक्ति दिदा विवादमा परेर तत्कालिन कानुनमन्त्री शेरबहादुर तामाङले गत साउन ८ गते राजीनामा दिएका थिए।
कानुनमन्त्रीमा नियुक्त भानुभक्त ढकाल वि.सं. २०१८ सालमा आमा विष्णुमाया र बाबु कुलप्रसाद ढकालको कान्छो छोरोको रुपमा जन्मिएका हुन् । सानो उमेरदेखि नै विद्यार्थी राजनीतिमा सक्रिय रुपमा लागेका उनी हालै सम्पन्न निर्वाचन मोरङ क्षेत्र नम्बर २ बाट प्रतिनिधिसभा सांसद् सदस्यमा तत्कालिन नेकपा एमालेका तर्फबाट विजयी भएका हुन् । उनले आफ्नो प्रतिद्वन्द्वीलाई १९ सय सात भोटले पराजित गरेका थिए ।
त्यस्तै प्रधानमन्त्री ओलीले भूमिव्यबस्था मन्त्रीमा पद्मा अर्याल नियुक्त गरेका छन्। अर्याल यसअघि स्वास्थ्य राज्यमन्त्री थिईन ।
दुवैको ४:३० बजे शपथ हुने बालुवाटार स्रोतले जनाएको छ।
