- २०८१ बैशाख १३ बिहीबार
काठमाडौँ। विश्वकै चर्चित टेकजाइन्ट गूगलले गुगल म्यापमा एक नयाँ फीचर ल्याएको छ। जसको सहायताले लाइभ लोकेशनसँगै आफ्नो मोबाइलको ब्याट्री स्ट्याटस पनि शेयर गर्न सकिने भएको छ । त्यस्तै नयाँ अपडेटमा गूगल म्यापको पृष्टभूमि अपडेट गरिएको छ । जूम आउट गर्दा यो अब समतल नदेखिएर ग्लोब जस्तो गोलो देखिन्छ । अहिले ३डी ग्लोब मोड गूगल म्याप्सको डेस्कटप भर्जनको लागि मात्र उपलब्ध छ र यसले प्रायः सबै ब्राउजरलाई सपोर्ट गर्छ ।
लाइभ लोकेशन शेयर गर्ने फीचर पहिलादेखि नै थियो । यसमा केवल नयाँ फीचर थपिएको हो । उदाहरणको लागि, यदि तपाईं कसैसँग आफू रहेको स्थान शेयर गर्नहुन्छ भने यससँगै तपाईंको ब्याट्रीको स्ट्याटस पनि देखिन्छ । यसले तपाईंको मोबाइलको ब्याट्री बाटोमै सकिएको त छैन भन्ने थाहा दिन्छ । यसको लागि तपाईंले गूगल म्याप अपडेड गर्नुपर्ने हुन्छ ।
लाइभ लोकेशन शेयरिङ भनेको के हो ?
तपाईंहरूमध्ये धेरै युजरहरूलाई लाइभ लोकेशन शेयरिङले कसरी काम गर्छ भन्ने थाहा होला। यो फीचर म्यासेञ्जर र ह्वाट्सएपमा पनि छ । लाइभ लोकेशन शेयर गरी तपाईं आफूलाई चिन्ने जो कोहीलाई तपाईं कहाँ हुनुहुन्छ भन्ने थाहा दिन सक्नुहुन्छ । यो दुवैतर्फबाट शेयर गर्न सकिन्छ । मतलब जब तपाईं लाइभ लोकेशन शेयर गर्नुहुन्छ, रिसिभरलाई पनि उसले चाहेको खण्डमा लाइभ लोकेशन शेयर गर्ने अप्सन आउँछ । लाइभ लोकेशन शेयर गर्दा तपाईं समय पनि सेट गर्न सक्नुहुन्छ । जस्तै, तपाईं १ घण्टाको लागि लाइभ लोकेशन शेयर गर्न सक्नुहुन्छ।
