- २०८१ बैशाख १२ बुधबार
काठमाडौँ। सिम टिभीले आफ्ना ग्राहकहरुको लागि थप मनोरञ्जनात्मक सामाग्रीहरु प्रशारण गर्ने क्रममा रमाइलो एचडि,एक्सन स्पोर्टस् एचडि, प्लस मुभि,जुनियर टिभि, बलिउड बिट्स, सिने हिट्स र गुञ्जन जस्ता मनोरञ्जनात्मक च्यानलहरु थप भएका छन् । प्लस प्याकेज अन्तर्गत रहने यी च्यानलहरु हालका लागि सम्पुर्ण ग्राहकहरुलाई निःशुल्क प्रदान गरेको छ ।
रमाइलो एचडिमा नयाँ नेपाली हाँस्य श्रृंखला (माइकल ज्याक्सन, शेरेले हसाउँछ, दृष्टि र नेपालीमा अनुबाद गरीएका चर्चित हिन्दि टेलिश्रृंखला–आनन्दी र जड्यौरी जस्ता मनोरञ्जनात्मक कार्यक्रमहरु हेर्न सकिने भएको छ ।
त्यस्तै नेपालकै पहिलो स्पोर्टस् च्यानल एक्सन स्पोर्टस् एचडिमा नेपालभर हुने फुटबल, क्रिकेट लगायतका विभिन्न खेलहरुको प्रत्यक्ष प्रसारणका साथै राष्ट्रिय तथा अन्तर्राष्टिय खेलकुदसम्बन्धि विभिन्न कार्यक्रमहरु प्रसारण हुन्छन् । प्लस मुभि च्यानलमा दैनिक लोक प्रिय नेपाली सिनेमाको मज्जा लिन सकिने सिमटिभीले जनाएको छ ।
त्यस्तै हाम्रा भाइ बहिनी तथा छोरा छोरीहरुले जुनियर टिभिमा कार्टुन तथा ज्ञान गुनका सामाग्रीहरुको मज्जा लिन सक्ने जनाइएको छ । यो नेपालकै पहिलो र एकमात्र कार्टुन च्यानल हो ।
बलिउड बिट्स च्यानलमा दर्शकहरुले हिन्दी सिनेमाका चर्चित गीतहरु हेर्न सकिने छ । गुञ्जन च्यानलमा नेपालभरका लोक भाकाहरु प्रशारण हुनेछन् । नेपाली लोक संगीतमा रमाउने दर्शकहरुका लागि यो च्यानलले भरपुर मनोरञ्जन प्रदान गर्ने छ ।
विशुद्ध नेपाली चलचित्रका गीतहरुमात्र प्रशारण हुने च्यानल सिने हिट्समा दर्शकहरुले नेपाली चलचित्रका नयाँ तथा पुराना गीतहरुको आनन्द लिन सकिने छ । अन्य कुनै पनि केबलहरुमा उपलब्ध नभएका यी च्यानलहरुबाट सिम टिभिका ग्राहकहरुले भरपुर मनोरञ्जन लिन सक्ने भएका छन्। भरपर्दो र गुणस्तरीय नेपालको नं. १ डिजिटल केबल नेटवर्क सिम टिभी प्रयोग गरी एक्सक्लुसिव च्यानलहरुको निःशुल्क सेवाको भरपुर मनोरञ्जन लिन सिम टिभीले आग्रह गरेको छ ।
