बलाधिकृत रथी पूर्णचन्द्र थापालाई प्रधानसेनापतिको कार्यभार हस्तान्तरण 

खरीबोट

काठमाडौँ।  प्रधानसेनापतिबाट अवकाश प्राप्त गर्नु एक महिना अगावै बिदा बस्ने नेपाली सेनाको प्रचलित परम्परा अनुसार प्रधानसेनापति महारथी राजेन्द्र क्षत्रीले आज जंगी अड्डामा आयोजित एक समारोहका बीच प्रधानसेनापतिको कार्यभार बलाधिकृत रथी पूर्णचन्द्र थापालाई हस्तान्तरण गरेका छन् ।

नेपाली सेनामा सहायक सेनानी दर्जाबाट प्रवेश गरी देश, जनता र संविधानको रक्षाको लागि सदा समर्पित भई करिब ४० वर्षसम्म अनवरत रुपमा सेवा गरी प्रधानसेनापतिको उच्च एवं गरिमामय ओहदाबाट प्रधानसेनापति महारथी क्षत्रीले आगामी भाद्र २४ गतेबाट पदावधिको हदले नेपाली सेनाबाट अवकाश प्राप्त गर्नेछन् । 

सैनिक परम्परा अनुसार प्रधानसेनापति महारथी क्षत्री श्रावण २५ गतेदेखि बिदामा बस्ने हुँदा बलाधिकृत रथी पूर्णचन्द्र थापालाई प्रधानसेनापतिको सम्पूर्ण कार्यभार बुझबुझारथ गरेका छन् । बलाधिकृत रथी थापालाई श्रावण १० गतेको नेपाल सरकार मन्त्री परिषद्को निर्णय बमोजिम श्रावण २५ गतेबाट लागु हुने गरी प्रधानसेनापतिमा कायम मुकायम मुकर्रर गरिएको थियो । 

बुझबुझारथ पश्चात कामु प्रधानसेनापति रथी थापाले नेपाली सेनालाई आधुनिकिकरण गर्ने प्रयास स्वरुप लेस पेपर इन्भाइर्नोमेन्टको लागि डिजिटलाइजेशन मार्फत कार्यालयहरुमा कामको शुरुवात गर्नुको साथै काठमाण्डौ—तराई÷मधेश दु्रतमार्ग आयोजना कार्यान्वयनको लागि गठित निर्देशक समितिको अध्यक्षको सम्पूर्ण कार्यभार बलाध्यक्ष रथी हेमन्त राज कुँवरलाई आजकै मितिबाट हस्तान्तरण गरेका छन् । 

उक्त बुझबुझारथ समारोहमा नेपाली सेनाका पि.एस.ओज. रथीबृन्द लगायत विभिन्न विभाग-निर्देशनालयहरुका रथीबृन्द तथा अधिकृतहरुको उपस्थिति रहेको थियो ।
 

सम्बन्धित समाचार

ब्यारेकभित्रै सेनाका जवानद्वारा आत्महत्या

कञ्चनपुर । कञ्चनपुरको २५ नं बाहिनी भगतपुरमा कार्यरत नेपाली सेनाका जवान २३ वर्षीय वीरबहादुर खड्काले सोमबार बन्दुक प्रहार गरी आत्महत्या गरेका छन् ।  ब्यारेकभित्रै खड्काले गर्धनमा गोली प्रहार गरी आत्महत्या गरेको

नेपाली सेनाको प्रमुख सुवेदारमा चौधरीको छनोट

काठमाडौँ । नेपाली सेनाले प्रतिस्पर्धाका आधारमा पहिलो पटक सेना प्रमुख सुवेदारको छनोट गरेको छ ।  मुलुकभरका गण र गुल्मका सुवेदार–मेजरमध्येबाट प्रतिस्पर्धाका आधारमा २४ नम्बर बाहिनी अङ्डाका सुवेदार मनोजकुमार चौधरी उक्त पदमा

नेपाली सेनाको मुख्यालय जङ्गी अड्डा प्लाष्टिक मुक्त क्षेत्र घोषणा

काठमाडौँ । नेपाली सेनाले आज आयोजित एक विशेष कार्यक्रमका बीच प्रधानसेनापति पूर्णचन्द्र थापाले नेपाली सेनाको मुख्यालय जङ्गी अड्डालाई प्लाष्टिक मुक्त क्षेत्र घोषणा गरेका छन् । प्रधानसेनापति थापाले उपस्थित सम्बोधन गर्दै प्लाष्टिकजन्य

सैनिकको रगतले सुत्केरीको ज्यान जोगियो

डोटी । दिपायलमा नेपाली सैनिकले दान गरेको रगतका कारण एक सुत्केरी महिलाको ज्यान जोगिएको छ ।  नेपाली सेनाको सर्वेश्वर गणका प्युठ भूपेन्द्र चन्द र सिपाही विक्रम सिंहले दिएको रगतका कारण केआइसिंह


z