- २०८३ जेठ ११ सोमबार
काठमाडौं । नेपाल तरूण दलको अध्यक्षमा मनिष कोइराला नियुक्त भएका छन् ।
काँग्रेस सभापति गगन थापाले कोइरालालाई अध्यक्ष नियुक्त गरेका हुन् । तरूण दलको तदर्थ समिति रिक्त थियो । यसअघि तरूण दलको अध्यक्ष विद्वान गुरूङ थिए । तोकिएको समयमा महाधिवेशन गराउन नसकेपछि उनले हटाइएको थियो ।
सभापति थापाले तोकिएको समयभित्रै तरूण दलको महाधिवेशन गर्ने गरी कोइरालालाई अध्यक्ष नियुक्त गरेको कार्यवाहक मुख्य सचिव कृष्णप्रसाद दुलालले जानकारी दिएका छन् । कोइरालालाई महाधिवेशन सम्पन्न गर्न ९ बुँदे कार्यादेश र कार्यविवरण सहित जिम्मेवारी प्रदान गरिएको छ ।
