शिक्षा नीति बदल्नुपर्दछ : गण्डकी प्रदेशका मुख्यमन्त्री गुरुङ

खरीबोट

कास्की । गण्डकी प्रदेशका मुख्यमन्त्री पृथ्वीसुब्बा गुरुङले बेरोजगार उत्पादन गर्ने शिक्षा नीति बदल्नु पर्ने बताएका छन् ।

कास्की जिल्लाको अन्नपूर्ण गाउँपालिका–३ पाउदूरस्थित धारापानी माध्यमिक विद्यालयको हीरक जयन्ती समारोहको उद्घाटन गर्दै उनले अबको शिक्षा प्रविधियुक्त हुनुपर्ने उल्लेख गरे ।

जनता आफैं उद्यमी बन्ने खालको शिक्षाको खाँचो औँल्याउँदै उनले ढिकुरपोखरीमा एग्रोइन्जिनियरिङ क्याम्पस स्थापना गर्न ढिलाइ गर्नु नहुने बताए ।

पाँच वर्षमा गरिबी ५० प्रतिशत घटाएर प्रदेशलाई मुलुककै नमूना प्रदेशका रुपमा विकास गर्ने प्रतिबद्धता व्यक्त गर्दै मुख्यमन्त्री गुरुङले आगामी पाँच वर्षभित्र वृद्धभत्ता मासिक रु पाँच हजार पु¥याउने योजना रहेको बताए ।

सङ्घीय सांसद दुर्गा विकले विगतको शिक्षा प्राविधिक नहुँदा धेरै नेपाली बेरोजगार बस्नु परेको स्मरण गर्दै शिक्षालाई व्यावहारिक बनाउनुपर्नेमा जोड दिए ।

नेपाली काँग्रेसका नेता शुक्रराज शर्माले नैतिक शिक्षाको खाँचो रहेको बताउँदै रोजगारमूलक शिक्षा विद्यालय तहबाटै पठनपाठन गराउनुपर्नेमा जोड दिए ।

प्रदेशसभा सदस्य राजीव पहारीले सो विद्यालयलाई रु ३३ हजार मूल्य बराबरका दुई वटा युरोगाड सहयोग गर्दै अन्नपूर्ण गाउँपालिका–३ मा एक घर एक धारा अभियानलाई पूर्णता दिन आफ्नोतर्पmबाट सक्दो सहयोग गर्ने प्रतिबद्धता व्यक्त गरे ।

हीरक जयन्ती मूल आयोजक समितिका अध्यक्ष भेषराज पौडेलको अध्यक्षतामा सम्पन्न उक्त अवसरमा मुख्यमन्त्री गुरुङले विद्यालयको हातामा हीरक स्तम्भको शिलान्यास गरे ।

सम्बन्धित समाचार

दुई महिनादेखि मलेसियामा रहेको बोइङ ‘गण्डकी’ नेपाल ल्याउँदै निगम

काठमाडौँ । मर्मतका लागि ५८ दिनदेखि मलेसियामा रहेको नेपाल वायुसेवा निगमको बोइङ ‘गण्डकी’ भोलि मङ्गलबार नेपाल ल्याइने भएको छ । निगमको इन्जिनियरिङ विभागले कलसाइन नाइनएन एसिबी ७५७ बोइङको थर्मल ब्ल्याङ्केटमा समस्या

गण्डकी प्रदेशबाट पनि श्रम स्वीकृति दिइने

काठमाडौँ । वैदेशिक रोजगारसँग सम्बन्धित सेवालाई विकेन्द्रित गर्दै लगेको सरकारले बिहीबारदेखि गण्डकी प्रदेशको पोखराबाट पनि श्रम स्वीकृति प्रदान गर्ने भएको छ ।  वैदेशिक रोजगारीसँग सम्बन्धित सेवालाई विकेन्द्रित गरी सरल र सहजरूपमा

 दीपक मनाङेद्वारा गण्डकी प्रदेशसभामा शपथग्रहणको लागि निवेदन 

कास्की।  राजीव गुरुङ उर्फ दीपक मनाङेले गण्डकी प्रदेशसभामा शपथग्रहणको लागि निवेदन दिएका छन् । अघिल्लो साता मात्र सर्वोच्च अदालतको आदेशमा थुनामुक्त भएका उनले बिहीबार लिखित निवेदन दिएका हुन् ।  गएको वर्ष

रूखले अल्झायो कालीगण्डकी प्रसारण करिडोर

पर्वत । रूख काट्ने आदेश नपाउँदा राष्ट्रिय गौरवको आयोजना कालीगण्डकी प्रसारण करिडोरको काम प्रभावित भएको छ । प्रसारण लाइनको म्याग्दीको दानादेखि पर्वतको खुर्कोट खण्डमा रूख काट्ने आदेश नपाउँदा काम प्रभावित


z