गर्भवती मन्त्री डेलिभरीका लागि आफैँ साइकल चलाउँदै अस्पताल पुगिन् !

खरीबोट

तस्बिर : एपी/इन्स्टाग्राम

वेलिङ्टन / न्यूजिल्यान्डकी महिला मन्त्री जुली आन गेन्टर पहिलो बच्चा जन्माउने क्रममा प्रसूतिका लागि आफैंले साइकल चलाएर अस्पताल भर्ना भएकी छिन् । 

साइकलप्रेमी ग्रीन पार्टीकी सांसद गेन्टरले साइकलबाट घरदेखि एक किलोमिटर टाढाको अकल्यान्ड सिटी अस्पतालसम्म यात्रा गरी प्रसूतिका लागि भर्ना भएकी थिइन् । 

“मेरा पति र म साइकलबाटै अस्पताल आएका थियौं, तर मलाई कुनै अप्ठ्यारो भएन,” साइकलको तस्वीर सहित सामाजिक सञ्जालमा उनले लेखेकी छिन्  । 

गेन्टर अहिले ४२ हप्ताकी गर्भवती छिन् । 

उनले महिला मन्त्रीको कार्यभार मात्र नभई यातायात मन्त्रालयको समेत कार्यभार सम्हाली रहेकी छिन् । उनी दिगो यात्राका अभियन्ता पनि छन् । 

उनको ग्रीन पार्टीकी एक जना प्रवक्ताका अनुसार सोमबार साँझसम्म उनको बच्चा जन्मिएको छैन तर उनी प्रतिक्षारत छिन् । 

यो घटना गत जुनमा मात्र न्यूजील्यान्डकी प्रधानमन्त्री जासिन्डा आर्डेन प्रसूति विदापछि नियमित काममा फर्केको केही हप्तापछि नै भएको छ । 

गत वर्ष निर्वाचित आर्डेन पदमै रहँदा बच्चा जन्माउने विश्वमै दोस्रो वरिष्ठ कार्यकारी भएकी थिइन् । विगतमा सन् १९९० मा पाकिस्तानी पूर्वप्रधानमन्त्री बेनजिर भुट्टोले पदमै रहँदा बच्चा जन्माएकी थिइन् । 

सम्बन्धित समाचार

आन्दोलनरत नर्स र अस्पतालबीच सहमति, अनशन तोडियो

भक्तपुर । भक्तपुरस्थित शहीद धर्मभक्त राष्ट्रिय प्रत्यारोपण केन्द्रमा आन्दोलनरत् नर्स र अस्पताल प्रशासनबीच गए राति १० बुँदे सहमति भएको छ । सहमतिपछि विगत १० दिनदेखि प्रत्यारोपण केन्द्रमै आमरण अनशनमा बसेकी नर्स

सरकारी र निजी अस्पतालमा पनि श्रम अडिट गरिन्छ : श्रममन्त्री विष्ट

काठमाडौँ । श्रम, रोजगार तथा सामाजिक सुरक्षामन्त्री गोकर्ण विष्टले सरकारी र निजी दुवै अस्पताल तथा क्लिनकमा एक महीना १५ दिनभित्र श्रम अडिट गरिने बताएका छन् । अन्तर्राष्ट्रिय नर्सिङ दिवसका अवसरमा नेपाल

सावधान ! अस्पताल परिसरमा सुर्तीजन्य पदार्थ प्रयोग त गर्दै हुनुहुन्न ?

काठमाडौँ ।  के तपाईं काठमाडौँका अस्पतालभित्र या अस्पताल बाहिर सुर्तीजन्य पदार्थको प्रयोग वा बेचबिखन त गरिरहनु भएको छैन ? सावधान ! यदि यस्तो हो भने अब भने तपाई प्रहरीको फन्दामा

कार्यकक्षमा भेटिँदैनन् चिकित्सक

भजनी । कैलालीको टीकापुर अस्पतालमा कार्यरत चिकित्सक कामका समयमा  आफ्नो कार्यकक्षमा नभई निजी क्लिनिकमा भेटिने गरेका छन् । अस्पतालमा कार्यरत अधिकांश चिकित्सकका अस्पताल बाहिर निजी क्लिनिक छन् । क्लिनिक नभएका चिकित्सकलाई


z