- २०८१ बैशाख ७ शुक्रबार
काठमाडौँ। एसिया कप छनौट प्रतियोगिताको तयारीको लागि श्रीलंकाको कोलम्बोमा रहेको नेपाली क्रिकेट टिमले तेस्रो तथा अन्तिम अभ्यास खेलमा आज कोल्ट्स क्लबको सामना गर्दैछ।
कोल्ट्स क्लबको मैदानमा कोल्ट्स क्लबले टस जितेर पहिले ब्याटिंग गर्ने निर्णय लिएको छ। आजको अभ्यास खेलमा ललित भण्डारी, बसन्त रेग्मी र अनिल कुमार शाहलाई आराम दिइएको छ भने आजको अभ्यास खेलको अन्तिम ११ मा पारस खड्का (कप्तान), ज्ञानेन्द्र मल्ल, दिपेन्द्र ऐरी, सोमपाल कामी, करण केसी, ललित राजबंशी, आरिफ शेख, रोहित पौडेल, सागर पुन, विनोद भण्डारी र सुबास खकुरेल रहेका छन्।
यसअघि खेलेका दुवै अभ्यास खेल जितेको नेपाली टोली श्रीलंकामा आजको आफ्नो अन्तिम अभ्यास खेल पछि भाद्र ११ गते एशिया कप क्वालिफायरको लागि मलेसिया जाने कार्यक्रम रहेको छ।
