- २०८१ बैशाख ७ शुक्रबार
सिन्धुली । सुनकोशी गाउँपालिकाले एम्बुलेन्स खरिदका लागि १२ लाख रुपैयाँ सहयोग गर्ने भएको छ ।
सुनकोशी गाउँपालिका र र नेपाल रेडक्रस सोसाइटी मझुवा उपशाखाबिच एम्बुलेन्स खरिद र संचालनको लागि मंगलबार सम्झौता पत्रमा हस्ताक्षर भएको छ । गाउँपालिका अध्यक्ष दिपा बोहोरा र रेडक्रस उपशाखा सभापति साङ्गे लामाबीच सम्झौतापत्रमा हस्ताक्षर भएको हो ।
सम्झौता अनुसार गाउँपालिकाको अवस्ता हेरी एम्बुलेन्स खरीद गर्नुपर्ने छ । एम्बुलेन्स सुनकोशी गाउँपालिकाको अनुदान सहयोगमा संचालित भनेर लेख्नुपर्ने छ । एम्बुलेन्स सञ्चालन, व्यवस्थापन र मर्मतको कार्य रेडक्रस उपशाखा आफैँले गर्नुपर्ने भनी सम्झौतापत्रमा हस्ताक्षर भएको छ ।
एम्बुलेन्स सञ्चालनले सुनकोशी गाउँपालिका वडा नम्बर ७ मझुवावासीलाई सहयोग पुग्ने अपेक्षा गरिएको छ ।
