काठमाडौँ। एशियन कप क्वालिफायरमा ओमानले लगातार तेस्रो जित हासिल गरेको छ। आज भएको खेलमा ओमानले सिंगापुरलाई ८ विकेटले पराजित गरेको छ। सिंगापुरले दिएको २१६ रन पछ्याएको ओमानले २६.४ ओभरमा २ विकेट गुमाएर सो लक्ष्य पुरा गरेको थियो।
ओमानको जितमा अकिब इयासले तुफानी ब्याटिंगगर्दै ७० बलमा १०९ रन बनाएका थिए। त्यस्तै जतिन्दर सिंहले ५६, कन्वर अलीले ३६ नट आउट र वैभव वाटेगाओकरले १२ रन नट आउट बनाएका थिए।
यस अघि टस जितेर पहिला ब्याटिंग गरेको सिंगापुरले ५० ओभरमा ८ विकेट गुमाउदै २१५ रन बनाएको थियो। सिंगापुरका लागि अनिस परामले ७७ र रोहण रंगराजनले ६८ रन बनाएका थिए। ओमानका बलर बिलाल खानले ४ विकेट लिएका थिए भने मोहमद नदीमले २ विकेट लिएका थिए।
यो जितसँगैओमान लगातार ३ खेलमा जित निकाल्न सफल भएको छ भने सिंगापुरले तिनै खेलमा हार बेहोरेको छ।