मुम्बई । बलिवुड अभिनेत्री दीपिका पादुकोनेले बिशाल भारद्वाजको फिल्मम अभिनय नगर्ने भएपछि फिल्म साइन गर्दा लिएको रकम फिर्ता गरेकी छन् ।
बिशाल भारद्वाजले बनाउन लागेको ग्याङस्टर फिल्म इरफान खान अस्वस्थ भएपछि रोकिएको थियो । 'सपना दिदी' नाम गरेको सो फिल्म नेपालमा पनि सुटिंग हेन मिडिया रिपोर्ट आएको थियो ।
अभिनेता इरफान खानलाई क्यान्सर भएपछि सो फिल्म हाल नबन्ने भएपछि दीपिकाले पैसा फिर्ता गरेको डीएनएले उल्लेख गरेको छ । इरफान खान हाल लन्डनमा उपचार गराइरहेका छन् । दिपिकाले निर्माता निर्देशक बिशाल भारद्वाजलाई इरफान ठिक भएपछि फेरी आफु यस फिल्ममा अभिनय गर्ने शन्देश पठाएकी छन् ।
हाल अभिनेता रनबीर सिंहसँग विवाहको तयारी गरिरहेकी दीपिकाले बलिवुडमा कुनै फिल्म साइन गरेकी छैनन् तर उनले अब हलिवुडको अर्को फिल्म त्रिपल एक्सको चौथो सिरिज गर्ने कन्फर्म भैसकेको छ ।