शारजाहमा हुने अफगानिस्तान प्रिमियर लिगको ड्राफ्टमा तीन नेपाली क्रिकेटर समावेश

खरीबोट
ad

काठमाडौँ। अफगानिस्तान क्रिकेट बोर्ड (एसीबि) ले पहिलो पटक आयोजना गर्न लागेको अफगानिस्तान प्रिमियर लिगको (एपीएल) ड्राफ्टमा ३ जना नेपाली खेलाडीहरु समाबेस गरिएको छ ।

युएईको शारजाहं क्रिकेट मैदानमा आयोजन हुने एपिएल टि-२० को पहिलो संस्करण अक्टोबर ५ देखि २३ अक्टोबर अर्थात असोज १९ देखि कार्तिक ६ सम्म हुदै छ । एपीएलको ड्राफ्ट कार्यक्रम सोमबार युएईमा हुँदैछ जसमा ३५० भन्दा बढी खेलाडीहरु सहभागी हुनेछन्।

एपिएलको ड्राफ्टमा नेपालबाट सन्दिप लामिछानेसहित, कप्तान पारस खड्का र सोमपाल कामी परेका छन् । सन्दीपपछि ठुलो बिदेशी लिगमा अन्य खेलाडीहरु परेको यो पहिलो पटक हो । आज हुने अन्तिम ड्राफ्टले नेपाली खेलाडी पर्ने नपर्ने निश्चय हुने भएको छ ।

एपीएल ड्राफ्टमा अफगानिस्तान सहित, पाकिस्तान,  बंगलादेश, श्रीलंका,वेस्ट  इन्डिज, साउथ  अफ्रीका, अस्ट्रेलिया,इंग्ल्याण्ड, आयर ल्याण्ड, जिम्बाबे, युएई, स्कटल्याण्ड,  हंगकंग, ओमान,नेपाल र क्यानडाका खेलाडीहरुले नाम दर्ता गराएका छन्।

ड्राफ्टमा रहेका खेलाडीहरुलाई आइकन, डायमण्ड, गोल्ड, सिल्भर, आईसीसी एसोसीएट र इमर्जिङ्ग गरि बिभिन्न ६ श्रेणीमा बिभाजन गरिएको छ। खेलाडीहरुको श्रेणी, नामहरु र मूल्य लगायत जानकारी अफगानिस्तान प्रिमियर लिगले खुलाएको छैन।

एपीएलमा कुल ५ वटा टिम सहभागी हुने छन् जसको घोषणा यसैसाता अफगानिस्तान क्रिकेट बोर्डले गरेको हो । काबुल, बल्ख, कन्दहर, नगरहर र पक्तिया गरि ५ वटा अफगानिस्तानको सहरको नाममा टिमको नाम राखिएको छ। अफगानिस्तान प्रिमियर लिगलाई अन्तर्राष्ट्रिय क्रिकेट परिषद (आईसीसी) ले मान्यता दिइसकेको छ। 

सम्बन्धित समाचार

सन्दीप अफगानिस्तान प्रिमियर लिगमा नगरहर टिमबाट खेल्ने  

काठमाडौँ। अफगानिस्तान क्रिकेट बोर्ड (एसीबि) ले पहिलो पटक आयोजना गर्न लागेको अफगानिस्तान प्रिमियर लिग (एपीएल) मा सन्दीप लामिछाने नगरहर टिमबाट खेल्ने भएका छन्।  नेपालबाट ३ जना नेपाली खेलाडीहरु युवा बलर सन्दीप

शारजाहमा हुने अफगानिस्तान प्रिमियर लिगको ड्राफ्टमा तीन नेपाली क्रिकेटर समावेश

काठमाडौँ। अफगानिस्तान क्रिकेट बोर्ड (एसीबि) ले पहिलो पटक आयोजना गर्न लागेको अफगानिस्तान प्रिमियर लिगको (एपीएल) ड्राफ्टमा ३ जना नेपाली खेलाडीहरु समाबेस गरिएको छ । युएईको शारजाहं क्रिकेट मैदानमा आयोजन हुने एपिएल