- २०८१ बैशाख १२ बुधबार
काठमाडौँ। युइएफ़ए नेशनल लिगमा विश्वकपको फाइनलिष्ट क्रोसिया स्पेनसँग लाजज्स्पद हार बेहोरेको छ। गएराती भएको खेलमा स्पेनले क्रोसियालाई ६-० गोल अन्तरले पराजित गरेको छ।
स्पेनको जितमा साउल निगुएज, मार्को असेन्सियो, रोड्रीगो, सर्जियो रामोस र इस्कोले गोल गरेका थिए भने एक गोल क्रोसियाका कालिनिकले आत्मघाती गोल गरेका थिए। यस खेलमा स्पेनका लागि असेन्सियोले एक गोल र तीन गोल असिस्ट गरेका थिए। स्पेनको फुटबल इतिहासको पछिल्लो १० बर्षमा एकै खेलमा ३ गोल असिस्ट गर्ने असेन्सियो दोस्रो खेलाडी हुन्। सन् २०१६ मा नालिटोले पनि ३ गोल असिस्ट गरेका थिए।
क्रोसियाको यो अहिलेसम्म कै ठुलो हार हो। यस अघि क्रोसियाले सन् २००९ मा इङल्याण्डसँग पाएको ५-१ को हार बेहोरेको थियो।
स्पेन र क्रोसिया दुवैले अब नेशनल लिगमा अर्को महिना इङल्याण्डसँग खेल्ने छन् ।
