सरकारी गोपनीयता ऐनलाई भङ्ग गरेका कारण रोयटर्सका पत्रकार थुनामा - आङ सान सुकी

खरीबोट

हनोई। नोबेल शान्ति पुरस्कार विजयी तथा म्यान्मारकी राज्य सल्लाहकार आङ सान सुकीले बेलायती समाचार समिति रोयटर्ससँग आबद्ध दुई पत्रकार जेल परेको विषयमा बिहीबार आफ्नो प्रतिरक्षा गरेकी छन् । 

विश्वभरीबाट व्यापक आलोचना भइरहेको समयमा उनले म्यान्मार स्वतन्त्र प्रेसको पक्षमा रहेको दाबी गरेकी छन् । नेतृ सुकीले अल्पसङ्ख्यक मुसलमान समुदाय रोहिङ्ग्यामाथि भएको सैनिक कारबाहीलाई अझ राम्रोसँग व्यवस्थापन गर्न सकिने निष्कर्षमा म्यान्मार पुगेको पनि बताईन् । 

उनले पक्राउ परेका पत्रकारद्वयमाथि पूर्वाग्रह र नियोजित कारबाही नगरिएको बताइन् । नेतृ सुकीले भनिन्, “पत्रकार भएकै कारण उनीहरु जेलमा परेका होइनन्, उनीहरुले सरकारी गोपनीयता ऐनलाई भङ्ग गरेका कारण अदालतले दोषी ठहर्याइएको हो ।” 

रखाइन राज्यमा रोहिङ्ग्या मुलमानविरुद्ध भएको सैनिक दमनको समाचार सङ्कलन गर्दा सरकारी गोपनीयता कानुन उल्लङ्घन गरेको आरोपमा ३२ वर्षीय वा लोन र २८ वर्षीया क्या सोए ओेलाई गत हप्ता सात वर्षको जेल सजाय भएको थियो । यी पत्रकारहरुलाई दिइएको जेल सजायको विश्वभरी आलोचना भएको छ । 

तर संयुक्त राष्ट्रसंघलगायत विश्व समूदायले यसैलाई स्वतन्त्र पे्रसको अभिव्यक्तिमाथि हमला भएको संज्ञा दिएका छन् । पत्रकारलाई दिइएको यस सजायको विषयमा सुकीले अत्यन्त चलाखीपूर्वक बचाउ गरेकी छन् । 

रायटर्सका यी दुई पत्रकारलाई दिइएको जेल सजायको युरोपियन युनियन र अमेरिकालगायत विश्वजगतले नै आलोचना गरिरहेको छ । साथै संयुक्तराष्ट्र संघलगायत विश्वका कैयौं मानव अधिकार संघसंस्थाले उनीहरुको रिहाइका लागि आग्रहसमेत गरेका छन् । 

म्यानमारको सैनिक सरकारले करिब दुई दशकसम्म घरमै नजरबन्दका राखेका प्रजातन्त्रवादी नेतृ आङ सान सुकी केही वर्षअघि मात्र स्वतन्त्र भइ राज्य सल्लाहकारको रुपमा रहेकी छन् । पत्रकारहरुलाई जेल सजाय गरिएको विषयमा उनको मौनताको विषयमा विश्वभर आलोचना भएपछि उनको सो भनाइ आएको छ । 

सम्बन्धित समाचार

म्यान्मारको सेनाले फेरि ‘युद्ध अपराध’ गरेको एमनेस्टीको आरोप

याङ्गुन । अन्तर्राष्ट्रिय मानवअधिकारवादी संस्था एमनेस्टी इन्टरनेशनलले म्यान्मारको रखाइन प्रान्तमा सेनाले जातीय समूहविरुद्ध दमन गरिरहेको आरोप आएका जनाएको छ । रखाइन राज्यमा सक्रिय विभिन्न छापामार समूहमाथि भइरहेको कारबाहीका क्रममा सेनाले गैरन्यायिक

ओलम्पिक छनोटको दोस्रो चरणअन्तर्गत  नेपाली महिला फूटबल टोली म्यान्मारसँग भिड्दै    

काठमाडौँ । ओलम्पिक छनोटको दोस्रो चरणको खेलमा नेपालले आज म्यानमारसँग प्रतिस्पर्धा गर्दै छ । म्यानमारको घरेलु मैदानमा हुने खेल नेपाली समयानुसार साँझ ५ बजे शुरु हुनेछ । खेलअघि आज बिहान आयोजित

राष्ट्रिय महिला फुटबल टोली म्यान्मारतर्फ

काठमाडौँ । म्यान्मामा हुने ओलम्पिक छनोटको दोस्रो चरण खेल्न नेपाली राष्ट्रिय महिला फुटबल टोली आज त्यसतर्फ प्रस्थान गरेको छ । अखिल नेपाल फुटबल सङ्घद्वारा आज यहाँ आयोजित कार्यक्रममा महिला फुटबल टोलीलाई

भारतीय राष्ट्रपति म्यान्मारमा, दुई देशको सम्बन्ध थप सुमधुर

म्यान्मार । म्यान्मारका राष्ट्रपति यू विन मिन्तले भारतीय राष्ट्रपति रामनाथ कोविन्दको म्यान्मार भ्रमणले यी दुई देशबीचको सम्बन्ध थप सुमधुर बनाउन सहयोग पुगेको बताएका छन् । हाल म्यान्मार भ्रमणमा रहेका भारतका राष्ट्रपति


z