- २०८१ बैशाख ७ शुक्रबार
काठमाडौँ। बलात्कारपछि हत्या गरीएकी कञ्चनपुरकी निर्मला पन्तलाई न्यायको माग गदै नेकपाको भातृ संगठन अनेरास्ववियुका विद्यार्थीहरु सडकमा उत्रिएका छन् । अनेरास्ववियु सरस्वती क्याम्पस कमिटीले ठमेलर, लैनचौरमा कालो फेटासहित जुलुस निकालेको छ ।
बलात्कार र हत्या जस्तो जघन्य अपराधमा संलग्नलाई महनिौ दिनसम्म कारवाही गर्न नसक्नु दुई तिहाइ बहुमत भएको बामपन्थी सरकारको लज्जाको विषय भएको भन्दै अनेरास्ववियुले बिरोध गरेको हो ।
नेकपाकी केन्द्रिय सदस्य दिलकुमारी पन्तले आधा आकाश ढाँकेका महिलाहरु असुरक्षित भएको मुलुकमा शान्ति सुरक्षाको प्रत्याभुत हुन नसक्ने बताईन् ।
त्यस्तै अनेरास्ववियु केन्द्रिय सचिव सुदेश पराजुलीले कञ्चनपुरका तत्कालीन एसपी डिल्लीराम बिष्टलाई २४ घण्टाभित्र पक्राउ गरेर कारवाही नगरे देशैभर आन्दोलन गर्ने चेतावनी दिएका छन् ।
संविधान संसोधन गरेर बलात्कारीलाई फासीको सजाय हुनुपर्छ भन्दै अनेरास्ववीयु आर आर क्याम्पसका कोषध्यक्ष संगम देवकोटाले सबै प्रकारका महिला हिंसाको अन्त्यको लागि सरकारले कडा कानुन ल्याई जनतालाई कानुनी राज्य छ भन्ने महसुस गराउन सक्नुपर्नेमा जोड दिए ।
