प्रकाण्ड फेरी पक्राउ, सर्वोच्चको असन्तुष्टि  

खरीबोट

काठमाडौं। सर्वोच्च अदालतको आदेशपछि रिहा भएका नेत्रविक्रम चन्द विप्लव नेतृत्वको नेपाल कम्युनिस्ट पार्टीका प्रवक्ता खड्गबहादुर विश्वकर्मा प्रकाण्ड फेरि पक्राउ परेका छन् । 

दाङबाट काठमाडौं ल्याईएका प्रकाण्डलाई बन्दी प्रत्यक्षीकरण रिटमा सुनुवाई गर्दै आज न्यायाधीशहरु अनिल कुमार सिन्हा र प्रकाशमान सिंह राउतको इजलासले प्रकाण्डलाई छाड्न आदेश दिएको थियो । आदेश अनुसार प्रहरीले प्रकाण्डलाई रिहा गरे पनि सर्वोच्च अदालतकै ढोकाबाटै पक्रेको छ । 

चन्दा उठाएको आरोपमा गएको असारमा काठमाडौंको दक्षिणकालीबाट पक्राउ परेका प्रकाण्ड बन्दी प्रत्यक्षीकरण रिटमार्फत रिहा भएर आज चौथो पटक पक्राउ परेका हुन् । पूर्व मन्त्रीसमेत रहेका प्रकाण्डलाई अर्को अभियोगमा अनुसन्धान गर्नका लागि पक्राउ गरेको भने पनि कारण खुलाइएको छैन । 

यसैबीच सर्वोच्च प्रकाण्डलाई पटक–पटक पक्राउ गरेको प्रति सरकारसँग सर्वोच्च अदालत असन्तुष्ट पनि बनेको छ । नागरिकको व्यक्तिगत स्वतन्त्रताको उपभोगको विषयमा सरकार तथा सरकार मातहतका निकायहरु जिम्मेवार नभए अदालत मौन रहेर बस्न नसक्ने आदेशमा उल्लेख छ ।  

न्यायाधीशहरु अनिल कुमार सिन्हा र प्रकाशमान सिंह राउतको इजलासले प्रकाण्डलाई पटक–पटक पक्राउ गरकोे सरकारले अदालतको अवहेलना गरेको भन्दै अवहेलना मुद्दामा कारबाही गर्नु पर्ने स्थिति आउनेतर्फ सचेत गराएको छ । 

विधिको शासन भएको लोकतन्त्रमा अदालतको आदेशलाई पालना नगर्ने काम क्षम्य हुन नसक्ने आदेशमा उल्लेख छ । 

सम्बन्धित समाचार

निर्मलाको हत्यारालाई हामीले कारवाही गर्छौ - प्रकाण्ड 

काठमाडौं। ‘विप्लव’ नेतृत्वको नेपाल कम्युनिष्ट पार्टी नेकपाका प्रवक्ता खड्गबहादुर बिश्वकर्मा ‘प्रकाण्ड’ ले निर्मलाको हत्यारा पत्ता लगाएर आफुहरुले कारवाही गर्ने बताएका छन्। भृकुटीमण्डपमा भएको जनसभालाई सम्बोधन गर्दै प्रकाण्डले कञ्चनपुरकी १३ वर्षीया बालिका

सर्वोच्चको आदेशमा प्रकाण्ड रिहा, यसपटक पक्राउ परेनन् 

काठमाडौं।  नेत्र विक्रम चन्द 'विप्लव' नेतृत्वको नेपाल कम्युनिष्ट पार्टीका प्रवक्ता खड्गबहादुर विश्वकर्मा ‘प्रकाण्ड’ रिहा भएका छन् । सर्वोच्च अदालतले प्रकाण्डलाई रिहा गर्न आदेश दिएपछि उनलाई प्रहरीले रिहा गरेको छ । सर्वोच्चले

प्रकाण्डलाई सर्वोच्चमा उपस्थित गराउने तयारी

गाईघाट। जिल्ला प्रहरी कार्यालय उदयपुरको हिरासतमा रहेका नेपाल कम्युनिष्ट पार्टी(बिप्लव) का नेता खड्गबहादुर विश्वकर्मा प्रकाण्डलाई सर्वोच्च अदालतमा उपस्थित गराउने तयारी गरेको छ ।  सर्वोच्च अदालतबाट प्रकाण्डलाई उपस्थित गराउन आदेशपत्र आएपछि जिल्ला

प्रकाण्डलाई तीन दिनभित्र सर्वोच्चमा पेश गर्न आदेश 

काठमाडौं । सर्वोच्च अदालतले नेत्रविक्रम चन्द विप्लव नेतृत्वको नेपाल कम्युनिस्ट पार्टीका प्रवक्ता खड्गबहादुर विश्वकर्मा प्रकाण्डलाई ३ दिनभित्र अदालतमा पेश गर्न आदेश दिएको छ । प्रकाण्डलाई सरकारले गैरकानुनी रुपमा थुनामा राखेको भन्दै


z