ला लिगामा रियल म्याड्रिड बराबरीमा रोकिदा बार्सिलोनालाई फाइदा 

खरीबोट

काठमाडौँ।  ला लिगामा रियल म्याड्रिड बराबरीमा रोकिएपछि बार्सिलोनालाई लिगमा सुरुवाती फाइदा भएको छ। गएराती बह्येको खेलमा रियल म्याड्रिड एथलेटिक बिल्बाओसँग १-१ गोलको बराबरीमा रोकिएपछि रियल म्याड्रिड बार्सिलोनाभन्दा पछाडी परेको हो ।

गएराती बएको खेलमा रियल म्याड्रिडलाई इस्कोले गोल गर्दै बराबरी गरेका हुन्। इस्कोले खेलको ६३औ मिनेटमा गोल गर्दै रियलका लागि एक अंक जोडेका हुन्। यसअघि बिल्बाओका लागि खेलको ३२औ मिनेटमा मुनियनले गोल गर्दै सुरुवाती अग्रता लिएका थिए। 

यो बराबरीपछि रियलको ४ खेलमा १० अंक भएको छ भने बार्सिलोनाको ४ खेलमा १२ अंक रहेको छ।

ला लिगामा सुरुका ३ खेल जितेको रियल क्रिस्टियानो रोनाल्डोले रियल छोडेपछि पहिलो पटक बराबरी खेल्दै नतिजा बिहिन हुन पुगेको छ भने रियलका म्यानेजर जुलियन लोपेटेगुइ आएपछि ला लिगामा उनको पहिलो बराबरी हो ।

रियल म्याड्रिडले अब आफ्नो अर्को खेल च्याम्पियन्स लिग अन्तर्गत इटालियन क्लब एएस रोमासँग आफ्नै घरेलु मैदानमा खेल्ने छ भने ला लिगा अन्तर्गत इस्पेनियलसँग खेल्ने छ।  
   
 

सम्बन्धित समाचार

फर्नान्डो टोरेजले सन्यास लिए

काठमाडौँ । स्पेनका फुटबलर फर्नान्डो टोरेजले व्यावसायिक फुटबलबाट सन्यास लिएका छन् । टोरेजले ३५ बर्षको उमेरमा सन्यासको घोषणा गरेका हुन् । स्पेनको राष्ट्रिय टिमबाट ११० अन्तर्राष्ट्रिय खेल खेलेका टोरेजले एथलेटिको म्याड्रिड,

नेइमारलाई फेरी भित्र्याउने तयारीमा बार्सिलोना !

काठमाडौँ । ब्राजिलका फुटबलर नेइमार फेरी बार्सिलोना फर्किने सम्भावना बढेर गएको छ । फ्रेन्च मिडियाका अनुसार बार्सिलोनाका उच्च अधिकारीहरुले नेइमारलाई बार्सिलोना फर्काउने पहल सुरु गरेको उल्लेख गरेका छन् । नेइमारलाई बार्सिलोना

को हुन् रियल म्याड्रिडले साइन गरेका फेरल्याण्ड मेंडी ?

 काठमाडौँ । रियल म्याड्रिडले फ्रान्सका लेफ्ट ब्याक फेरल्याण्ड मेंडीलाई ६ बर्षका लागि साइन गरेको छ । इडेन हजार्ड, लुका जोभिकपछि म्याड्रिडले आउदो सिजनका लागि तेस्रो साइन गरेको हो । मेंडीलाई रियल

इडेन हजार्ड रियल म्याड्रिडमा, पाँच बर्षको सम्झौता

काठमाडौँ । रियल म्याड्रिडले चेल्सीबाट खेल्ने बेल्जियमका प्लेमेकर इडेन हजार्डलाई भित्र्याएको छ । रियलले हजार्डलाई आगामी ५ बर्षका लागि ल्याएको जानकारी दिई मेडिकल पछि आगामी जुन १३ मा रियल म्याड्रिडको स्टेडियममा


z