- २०८१ बैशाख ६ बिहीबार
काठमाडौँ। श्रीकृष्ण प्रणामी युवा परिषदको १२ औँ अधिवेशनबाट नमराज ढकाल अध्यक्षमा विजयी भएका छन् । शनिबारबाट काठमाण्डौँ स्थित गोठाटार मन्दिरमा सुरु भएको अधिबेशन ढकाल निरर्बिरोध अध्यक्षमा विजयी भएका हुन् ।
विजयी भएपश्चात कार्यक्रमलाई सम्बोधन गदै ढकालले आफ्नो कार्यकालमा संस्थालाई सुढृण बनाउनाको साथै युवा क्षमताको विकास, सिप विकाससंगै सुचना र प्रविधिमैत्री बनाउने बताए। ढकालले युवा परिषद भनेको स्वयंम्सेवक भएको हुनाले देशमा संकट आईपरेको समयमा युवालाई देशब्यापी परिचालन गरेर सारथीको भुमीका खेल्ने बताउदै स्वास्थ्य, शिक्षा र वातावरणको क्षेत्रमा काम गर्ने प्रतिबद्धता ब्यक्त गरेका छन् ।
सबैलाई गुणस्तरीय शिक्षा प्रदान गर्नुपर्नेमा जोड दिदै ढकालले विपन्न परिवारका बालबाच्चालाई छात्रावृद्धि मार्फत शिक्षाको पहुँच पुर्याउने बताएका छन् । निर्वाचनबाट तार्केश्वर नपा ८ काठमाण्डौँका नमराज डकाल अध्यक्ष, उपाध्यक्षमा क्रमश: यज्ञ प्रसाद ढकाल मोरङ्ग, कौशल फुयाल काठमाण्डौँ आलापोट, जगदिश चन्द्र शर्मा चितवन विजयी भएका छन् ।
त्यसैगरी महासचिवमा चितवनका सुमन पुडासैनी, कोषध्यक्षमा सुजन सुवेदी, सचिवमा टंकप्रसाद ओझा, सहकोषाध्यक्षमा कमल कृष्ण केसी र ११ सदस्यहरुमा क्रमस : इन्द्र प्रसाद दहाल , अनिल कोइराला, गंगालाल श्रेष्ठ, छविलाल थपलिया, कमल कोइराला, उद्धव केसी, नमराज गौतम, रितुदेवी सापकोटा, विष्णु प्रसाद वाग्ले , पर्शुराम सापकोटा, यदु कुमारी वाग्ले , उमेश प्रधान विजयी भएका छन् ।
