सङ्घीय संसदको दुई संयुक्त समितिका सभापति निर्वाचन कार्यक्रम सार्वजनिक 

खरीबोट

काठमाडौँ। सङ्घीय संसद् (प्रतिनिधिसभा÷ राष्ट्रियसभा) का संयुक्त दुई समितिका सभापतिको निर्वाचन कार्यक्रम आज सार्वजनिक भएको छ । 

ती संयुक्त समितिमा संसदीय सुनुवाइ र राज्यका निर्देशक, सिद्धान्त, नीति र दायित्व समिति छन् । निर्वाचन यही असोज ७ गते अपराह्न १  बजे हुने कार्यक्रम छ । 

संसद् सचिवालयका महासचिव मनोहरप्रसाद भट्टराईद्वारा आज यहाँ जारी विज्ञप्तिअनुसार निर्वाचन प्रक्रियाअन्तर्गत शनिबार सङ्घीय संसद्को संयुक्त समितिको कुनै सदस्यलाई सभापतिमा निर्वाचित गरियोस् भनी कुनै अर्काे सदस्यले समर्थनसहित प्रस्ताव दर्ता गराउनुपर्नेछ । 

दर्ता गराउने समयसीमा बिहान अपराह्न २ बजेदेखि ५ बजेसम्म निर्धारण गरिएको छ । यसपछि सचिवालयले दर्ता भएका प्रस्तावको दर्ताक्रमानुसार सूची प्रकाशन गर्नेछ । असोज ७ गते आइतबार अपराह्न १ बजेदेखि सम्बन्धित समितिका बैठकमा प्रस्तावकले प्रस्ताव प्रस्तुत गर्ने, समर्थकले सम्बन्धित प्रस्तावलाई समर्थन गर्ने र प्रस्ताव निर्णयार्थ प्रस्तुत गर्ने कार्यक्रम रहेको विज्ञप्तिमा जनाइएको छ । 

प्रतिनिधिसभाअन्तर्गत १० विषयगत समितिका सभापतिको निर्वाचन कार्यक्रम आज सम्पन्न भएको थियो । ती दशमध्ये ६ समितिका सभापतिमा महिला सांसद निर्वाचित भएका छन् । प्रतिनिधिसभाअन्तर्गत अर्थ, अन्तर्राष्ट्रिय सम्बन्ध, उद्योग तथा वाणिज्य र श्रम तथा उपभोक्ता हित, कानून, न्याय तथा मानवअधिकार, कृषि, सहकारी तथा प्राकृतिक स्रोत समिति छन् । 

यसैगरी महिला तथा सामाजिक, राज्य व्यवस्था तथा सुशासन, विकास र प्रविधि, शिक्षा र स्वास्थ्य तथा सार्वजनिक लेखा समिति छन् । राष्ट्रियसभाअन्तर्गत चार विषयगत समितिका सभापति चयन प्रक्रिया सम्पन्न भइसकेका छन् । ती समितिमा दिगो विकास तथा सुशासन, विधायन व्यवस्थापन, प्रत्यायोजित व्यवस्थापन तथा सरकारी आश्वासन र राष्ट्रिय सरोकार तथा समन्वय समिति छन् । 

सम्बन्धित समाचार

प्रतिनिधिसभामा पाठक र पशुपति

काठमाडौँ । प्रतिनिधिसभा आजको बैठकमा अख्तियार दुरुपयोग अनुसन्धान आयोगका एक आयुक्तको भ्रष्टाचार र एक लोकगायकको ‘लुट्न सके लुट’ बोलको गीतले चर्चा पाएको छ । भ्रष्टाचारमा मुछिएका आयुक्त राजनारायण पाठकले पदबाट राजीनामा

संसदमा शिक्षा र ऊर्जामन्त्रीसँग सांसदहरुको प्रश्नोत्तर 

काठमाडौँ । प्रतिनिधिसभाको आजको बैठकमा सांसदहरुले शिक्षा, विज्ञान तथा प्रविधिमन्त्री गिरिराजमणि पोखरेल र ऊर्जा, जलस्रोत तथा सिँचाइमन्त्री वर्षमान पुनलाई सम्बन्धित विषयमा प्रश्न सोधेका छन् ।  बैठकमा सांसद डा.डिला सङ्ग्रौलाले देशभरिका अधिकांश

अस्ट्रेलियाली राजनीतिक दल र संसदको कम्प्युटर ह्याक

सिड्नी (अस्ट्रेलिया) । अस्ट्रेलियाले मुलुकका प्रमुख राजनीतिक दलहरु र संसदका सूचनाहरु ह्याक भएको जनाएको छ । निकै प्रतिस्पर्धात्मक हुने ठानिएको अस्ट्रेलियाको आमनिर्वाचनको सङ्घारमै गोप्य सूचना बाहिरिएको छ । प्रधानमन्त्री स्कट मोरिसनले

पशुपतिको गीतको प्रसंग संसदमा : अमरेश सिंहले २५ हजार पुरस्कार दिने घोषणा 

काठमाडौँ । पशुपति शर्माको गीतको प्रसंग प्रतिनिधि सभाको बैठकमा समेत उठेको छ । आज भएको प्रतिनिधि सभाको बैठकमा नेपाली काँग्रेसका सांसद अमरेश कुमार सिंहले गायक शर्मालाई आफ्नो पारिश्रमिकबाट २५ हजार


z