काठमाडौं । बिहीबारदेखि भृकुटीमण्डपमा फर्निचर मेला सुरु भएको छ । सोमबारसम्म चल्ने मेलामा ३ सय रुपैयाँदेखि १ लाखसम्म मूल्य पर्ने फर्निचरका सामग्री रहेको आयोजकले जानकारी दिएको छ ।
मेलामा ७० हजारभन्दा बढीले अवलोकन गर्ने बताइएको छ । मेला संयोजक सुबेन्द्र जोशीले भने ७० हजार बढीले मेलाको अवलोकन गर्ने बताए ।
मेलामा लगभग दुई दिनको समयमा राम्रो रेस्पोन्स पाएको उनले बताए । ब्रान्डिङ मेला भएको कारण आफूहरुले बिक्रीवितरणको कुनै टार्गेट नलिएको पनि उनले बताए ।
ग्राहकको हात खाली नहोस् भन्नको लागि मात्र दशैँ सेल लगाएको बताउँदै संयोजक जोशीले यति नै बिक्री गर्ने टार्गेट नभएको बताए ।
मेलामा टाइटल स्पोन्सर जेम फ्लोरिङको छ भने यस अन्तर्गत मुख्य स्पोन्सरहरुमा सिमल डेकोर, डिलाई म्याट्रेस्, यति कार्पेट र ग्लेन रहेको उनले बताए ।
मेलामा एकै किसिमको सामान नभएको कारण सबैले मूल्य यति हो भन्न नसके पनि तीन सयदेखि एक लाख मूल्य सम्मका फर्निचर सामग्री राखिएको उनले बताए ।
सबै तस्बिर : कविता घिमिरे/खरीबोट