इन्द्रेणी जस्तै कपाल पारेर
छोटा छोटा पहिरनमा सजिएर
गुलाबी ओठ र मन्द मुस्कानसँगै
आउछन् साँझपखमा नौटकीं देखाउन
कति धेरै आशत्ती छन्
म देखेर अचम्मित हुन्छु
चहारिरहन्छन भट्टीपसलतिर
हाँस्छन रुन्छन ठट्टा गर्छन्
स्वाट्ट पार्दै बियरको चुस्कीसँगै
आफ्ना सबै पिडाहरु भुल्छन
रक्सी र यौवनकै वरिपरि
घुमीरहन्छ उनीहरुको जीवन
बडो गजब तरिकाबाट
कहिलेकाही विरक्तिएर आउँछ
उनिहरुले जिइरहेको जिन्दगी देखेर
जसले वेश्याको रुप धारण गरेर
हिडें ती नारीहरु आत्मा र परमात्माको
व्याख्या गर्दै हिडेको पाइयो
र ,
जो आफू महात्मा पुजारी पन्डित ठान्छन्
ती व्यक्तिहरु वेश्याकै वरिपरि नाचीरहेका छन्
यतिखेर
साँझपखमा नौटकीं देखाइरहेका छन्
भट्टीमा टेबुलहरु छन् , कुर्सीहरु छन्
थरीथरीका खाना प्रस्ताव गर्छिन साहुनी
उनको व्यस्तता देखेर
सहायकको भुमिका खेल्छन् साहु बा
यो ठाउँमा विभिन्न विचारधारा
भएका मानिसहरु आउछन् र ,
एक अर्कासँग खुसी साटासाट गर्छन्
साँझपरेपछि
यस्तै हुदोरहेछ अचेल भट्टीपसलतिर ।