- २०८१ बैशाख १३ बिहीबार
काठमाडौं। नेपाल आयल निगमले अब पेट्रोलियम पदार्थ सहज उपलब्ध हुने जनाएको छ । आइतबारदेखि उपभोक्तालाई मागे जति तेल दिन पेट्रोल पम्पहरुलाई परिपत्र गरेको निगमले जानकारी दिएको छ।
तेलको आयात बढेकाले अब समस्या नहुने बताउदै आइतबारदेखि कोटा प्रणाली पनि हटाएको जानकारी दिएको छ । ट्याङकर चालकले ढुवानीमा असहयोग गर्दा आपूर्ति प्रभावित भएपछि निगमले शुक्रबारदेखि कोटा प्रणाली लागू गरेको थियो ।
निगमले हरेक दिन आपूर्ति बढिरहेकाले अब पेट्रोलियम पदार्थको अभाव नहुने जनाएको छ ।
