काठमाडौँ। इङलिश प्रिमियर लिगअन्तर्गत चेल्सी बराबरीमा रोकिएको छ। आइतबार भएको खेलमा चेल्सी वेस्टह्यामसँग बिना कुनै गोल बराबरीमा रोकिएको हो।
बराबरीसँगै चेल्सीको यस सिजनमा लगातार ५ खेलको जितको सिलसिला रोकिएको छ। चेल्सीको ६ खेलमा १६ अंक भएको छ भने चेल्सी अंकतालिकामा तेस्रो स्थानमा पुगेको छ। यो सँगै अब प्रिमियर लिगको यस सिजनमा खेलिएका सबै ६ खेल जित्ने क्लब लिभरपुल मात्र रहेको छ ।
त्यस्तै वेस्टह्यामले भने यस सिजनमा खराब सुरुवात गरेको छ। वेस्ट ह्यामले ६ खेलमा केबल एक जित र एक बराबरी खेल्दै केबल ४ अंक हासिल गर्न सकेको छ।
चेल्सीले अब अर्को खेल इएफएल कपमा डिभिजन टु क्लब मसल्सफिल्डसँग खेल्दै छ।