झापामा ४ बर्षीय बालिका बलात्कृत 

खरीबोट

भद्रपुर।  झापाको हल्दिबारी गाउँपालिकामा चार वर्षीया बालिका बलात्कृत भएको प्रहरीले जनाएको छ । जिल्ला प्रहरी कार्यालय झापाका अनुसार हल्दिबारी–३ जलथलकी बालिकालाई सोही वडाका २१ वर्षीय युवकले बलात्कार गरेको प्रहरीको प्रारम्भिक अनुसन्धानले देखाएको छ । 

बालिका बलात्कार गरेको उजुरीका आधारमा जिल्ला प्रहरी कार्यालय झापाले अभियुक्त युवकलाई पक्राउ गरिसकेको प्रहरी नायब उपरीक्षक तथा प्रवक्ता जीतेन्द्रकुमार बस्नेतले जानकारी दिए । बालिका र युवकको घर सँगसँगै रहेकाले युवकको नाम खुलाउन नमिल्ने प्रवक्ता बस्नेतले बताए । 

प्रहरीका अनुसार आइतबार दिउँसो छिमेकी बालिकालाई साइकलमा राखेर युवकले घुमाउन लगेका थिए । नाताले मामा पर्ने युवकले घुमाउन लगेको मौका छोपी जलथलको जङ्गलमा बालिकालाई बलात्कार गरेका थिए । 

अपराह्न घर फर्किएकी बालिकाको योनीमा रगत देखेपछि परिवारले प्रहरीमा उजुरी दिएका थिए । सोही उजुरीका आधारमा प्रहरीले आइतबार राति नै युवकलाई पक्राउ गरी घटनाको अनुसन्धान भइरहेको प्रवक्ता बस्नेतले बताए । यसअघि गत साउन २० गते झापाकै अर्जुनधारा नगरपालिका वडा नं २ मा छिमेकी १५ वर्षीय युवकले चार वर्षीया बालिकालाई बलात्कार गरेका थिए । 

सम्बन्धित समाचार

रोनाल्डो माथिको बलात्कारको आरोप फिर्ता !

काठमाडौँ । क्रिस्टियानो रोनाल्डोमाथि अमेरिकी मोडल काथरीन मायोर्गाले लगाएको बलात्कारका आरोप फिर्ता लिएकी छन् । ब्लुमबर्गका अनुसार गत महिना नै रोनाल्डोमाथि लागेको बलात्कारको आरोप बिना सर्त फिर्ता लिइएको उल्लेख गरेको छ ।

नेइमारलाई लाग्यो बलात्कारको आरोप !

काठमाडौँ । ब्राजिलका सुपरस्टार फुटबलर नेइमारलाई बलात्कारको आरोप लागेको छ । नेइमारले पेरिसको एक होटलमा एक ब्राजिलकी युवतीलाई बलात्कार गरेको आरोप ब्राजिलको सान पाउलो प्रहरीमा रिपोर्ट दर्ता भएको मिडिया रिपोर्टमा उल्लेख

पर्वतको विहादीमा बालिका बलात्कार गर्ने पक्राउ 

पर्वत । दक्षिण पर्वतको विहादी गाउँपालिकामा सात वर्षीया बालिका बलात्कृत भएकी छिन् । विहादी गाउँपालिकाकी ती बालिकालाई स्थानीय १९ वर्षीय सुरज परियारले बिहीबार साँझ बलात्कार गरेको प्रहरीले जनाएको छ । चन्द्र माध्यमिक

बलात्कार आरोपमा पक्राउ

राजापुर । बालिकामाथि बलात्कार गरेको आरोपमा बर्दियाको मधुवन नगरपालिकामा १५ वर्षीय एक किशोरलाई पक्राउ गरिएको छ । छिमेकी आठ वर्षीया दुई बालिकालाई बलात्कार गरेको आरोपमा उनलाई पक्राउ गरिएको हो । यही जेठ


z