• २०८१ बैशाख १३ बिहीबार

काँग्रेसद्वारा सुदूरपश्चिम प्रदेशको संसद बैठक बुधबार पनि अवज्ञा 

kharibot

धनगढी । सुदूरपश्चिम प्रदेशको संसद बैठक नेपाली काँग्रेसले बुधबार पनि अवरुद्ध गरेको छ । 

प्रदेशको राजधानीको विषयमा विरोध जनाएर पटक पटक स्थगित गर्दै आएको संसद बैठक बुधबार पनि प्रतिपक्ष दल कांग्रेसका सासंदले  राजधानी र नामाकरणको घोषणा संसदीय प्रणाली अनुसार नभएको भन्दै अवज्ञा गरेका छन् ।

प्रतिपक्षले बैठक अवज्ञा गरे पनि संसद बैठक भने सुरु भएको थियो । बैठकको शुन्य समयमा बोल्दै सांसद कृष्णा सुवेदीले प्रदेश सातको नाम र राजधानी बहुमतका आधारमा पारित भइसकेकाले अब विरोध गरेर नहुने बताएकि थिइन् ।

उनले प्रतिपक्ष दलले पनि यसमा सर्मथन जनाएर प्रदेशको विकास लागि काम गर्नुपर्नुेमा जोड दिएकी थिइन् । बैठकमा कतिपय सांसदहरुले समयसामयिक राजधानीका विषयमा धारणा प्रस्तुत गरेका थिए भने कतिपयले अन्य विषयमा पनि बोलेका थिए ।

त्यसै समयमा बोल्दै सांसद पूर्णा जोशीले प्रेस स्वतन्त्राता माथि भइरहेको हस्तक्षेप र पछिल्लो समयमा लगातार बलात्कारका घटनाले प्रोत्साहन पाइरहेको भन्दै सरकारको ध्यानार्कषण गराएकी थिइन् ।

यस्तै सांसद लिलाधर भट्टले अहिलेको राजधानीका बारेमा भइरहेका टिका टिप्पणीले लोकतन्त्रलाई धरापमा पार्न खोजेको  समेत बताए । बुधबारको संसद बैठक प्रमुख प्रतिपक्ष दलले अवज्ञा गरे पनि प्रतिपक्ष दल राजपा भने राजधानीप्रति सकरात्मक देखिएको छ ।

राष्ट्रिय जनता पार्टी राजपाका सांसद कृष्ण चौधरीले बैठकमा राजधानीका बारेमा सर्मथन गरेको भन्न नसके पनि यसप्रति सकरात्मक भएको प्रतिक्रिया दिएका छन् । उनले विरोध गरेर केही पनि प्राप्त गर्न नसकिने भएकाले अब प्रदेशको विकासका लागि प्रतिपक्षको नाताले काम गर्न साथ दिने बताए ।

बुधबार बसेको प्रदेशसभा बैठकमा प्रशासकीय कार्यविधि नियमित गर्ने सम्बन्धमा व्यवस्था गर्न बनेको विद्येयक २०७५ लाई सभामा पेस गरिएको हो ।

यस्तै बैठकमा प्रदेशसभा नियमावली २०७४ को नियम १५१ बमोजिम हुने विषयगत समितिका सभापतिको चुनाव मिति २०७५ असोज २२ गते निर्धारण गरिएको सभामुख अर्जुन थापाले जानकारी गराए ।

सम्बन्धित खबर

पढ्नै पर्ने

लोकप्रिय

भर्खरै