टी–२० विश्वकप छनौटमा नेपालको लगातार दोस्रो जित, आयोजक मलेसियाविरुद्ध ८ विकेटले विजयी 

खरीबोट

काठमाडौँ। सन् २०२० मा अष्ट्रेलियामा हुने टी–२० विश्वकप क्रिकेटको पहिलो चरणको छनोट प्रतियोगिताअन्तर्गत नेपालले आयोजक मलेसियालाई पराजित गरेको छ। आज भएको खेलमा नेपालले मलेसियालाई ८ विकेटले पराजित गरेको हो। 

मलेसियाले दिएको १०१ रनको लक्ष्य पछ्याएको नेपालले १२.४ ओभरमा २ विकेट गुमाउदै लक्ष्य पुरा गरेको थियो।  नेपालको जितमा कप्तान पारस खड्काले अर्धशतक बनाएका थिए।  पारसले ५२ रन बनाउदा ५ चौका र २ छक्का हानेका थिए।  नेपालका लागि ज्ञानेन्द्र मल्लले २४ बलमा २७ रनक बनाए भने बिनोद भण्डारीले १२ रन बनाएका थिए। त्यस्तै अनिल कुमार शाह एक रन बनाएर आउट भएका थिए। 

यस अघि टस जितेर पहिला ब्याटिंग गरेको मलेसियाले राम्रो सुरुवात गरेपनि सन्दीप लामिछानेले उत्कृष्ट बलिङका अगाडी मलेसियाको टिम धरासायी भएको थियो। मलेसियाले १९.३ ओभरमा १०० रन बनाउदा अल आउट भएको थियो। 

सन्दीपले आफ्नो ४ ओभरको स्पेलमा २० रन दिएर ५ विकेट लिएका थिए। सन्दीपले प्रतियोगिताको पहिलो खेलमा म्यानमारविरुद्ध २ ओभरमा ३ रन दिएर ४ विकेट लिएका थिए। अहिलेसम्म २ खेलमा सन्दीपले कुल ९ विकेट लिएका छन्। 

त्यस्तै नेपालका लागि सोमपाल कामीले ३ विकेट लिए भने कप्तान पारस खड्काले एक विकेट लिएका थिए।  त्यस्तै एक विकेट नेपालले रन आउटको रुपमा पाएको थियो । 

मलेसियाका लागि ओपनर शफिक शरिफले सर्वाधिक ४९ रन बनाए भने शयेद अजिजले १३ रन बनाएका थिए। मलेसियाका अन्य ब्याट्सम्यानले दोहोरो अंकमा रन बनाउन असफल भएका थिए। 

५ विकेट लिएका सन्दीप लामिछाने खेलको म्यान अफ द म्याच बनेका थिए। यो जितपछि नेपालको २ खेलमा ४ अंक भएको छ भन आयोजक मलेसियाको ३ खेलमा ३ अंक भएको छ। 

नेपालले प्रतियोगितामा पहिलो खेलमा म्यानमारलाई ८ विकेटले पराजित गरेको थियो।   

यही असोज २६ गतेसम्म मलेसियामा हुने प्रतियोगितामा नेपालसहित सिङ्गापुर, मलेसिया, भुटान, चीन, म्यानमा र थाइल्याण्ड सहभागी हुनेछन् । राउण्ड रोविनका आधारमा हुने प्रतिस्पर्धाबाट शीर्ष तीन टोली दोस्रो चरणको छनोटमा छानिनेछन् । 

यसअघि एशियाको पश्चिम क्षेत्रीय छनोटबाट युएइ, कतार र कुवेत दोस्रो चरणमा प्रवेश गरिसकेका छन् । दोस्रो चरणमा युएइ, कतार र कुवेतसँगै पूर्वक्षेत्रबाट छनोट हुने तीन टोली गरी छ टोलीबीच प्रतिस्पर्धा हुनेछ । छ टोलीबीचको प्रतिस्पर्धाबाट दुई टोली अन्तिम चरणका लागि छनोट हुनेछन् । अन्तिम चरणमा विश्वभरबाट छानिएका १४ टोलीबीच प्रतिस्पर्धा हुने र १४ मध्ये छ टोली टी–२० विश्वकप २०२० का लागि छनोट हुनेछन् । 

नेपालले अब २१ गते थाइल्याण्डसँग, २३ गते भुटानसँग, २४ गते चीनसँग र २६ गते सिङ्गापुरसँग खेल्ने छ ।    

सम्बन्धित समाचार

महिला टी-२० विश्वकपको उपाधि अस्ट्रेलियाले जित्यो 

काठमाडौँ। आइसीसी महिला टी-२० विश्वकपको उपाधि अस्ट्रेलियाले जितेको छ। आज भएको फाइनल खेलमा इङल्याण्डलाई ८ विकेटले पराजित गर्दै अस्ट्रेलियाको महिला टिम चौथो पटक टी-२० क्रिकेट विश्वकपको उपाधि जितेको छ।  इङल्याण्डले दिएको

भारतलाई हराउदै इङल्याण्ड महिला टी–२० विश्वकपको फाइनलमा   

काठमाडौँ। आईसीसी महिला टी–२० विश्वकपको फाइनलमा अस्ट्रेलिया र इङल्याण्ड पुगेका छन्। आज सम्पन्न दोस्रो सेमिफाइनलमा इङल्याण्डले भारतलाई ८ विकेटले पराजित गर्दै विश्वकपको फाइनलमा पुगेको हो।  भारतले दिएको ११३ रनको लक्ष्य पछाएको

वेस्टइन्डिजलाई पराजित गर्दै अस्ट्रेलिया महिला टी–२० विश्वकपको फाइनलमा

काठमाडौँ। डिफेन्डिङ च्याम्पियन वेस्टइन्डिजलाई पराजित गर्दै अस्ट्रेलिया आईसीसी महिला टी–२० विश्वकपको फाइनलमा प्रवेश गरेको छ । शुक्रबार भएको पहिलो सेमिफाइनलमा अस्ट्रेलियाको महिला टिमले वेस्टइन्डिजलाई ७१ रनले पराजित गर्दै प्रतियोगिताको फाइनलमा

आईसीसी महिला टी–२० विश्वकपको सेमिफाइनलको समीकरण पुरा

काठमाडौँ। आईसीसी महिला टी–२० विश्वकपको सेमिफाइनलको समीकरण पुरा भएको छ। कुल १० टिमले भाग लिएको महिला टी-२० विश्वकपमा भारत, अस्ट्रेलिया, वेस्टइन्डिज र इङल्याण्डको महिला क्रिकेट टिम सेमिफाइनलमा पुगेका छन्।  अब सेमिफाइनलमा


z