- २०८१ बैशाख ७ शुक्रबार
काठमाडौँ। स्पेनिस ला लिगा अन्तर्गत रियल म्याड्रिड पराजित भएको छ। गएराति भएको खेलमा रियल म्याड्रिड डिपोर्टीभो आल्भेजसँग १-० गोल अन्तरले पराजित भएको छ। आल्भेजलाई मनु गार्सियाले खेलको इन्जुरी समयको अन्तिम मिनेटमा गोल गर्दै १-० को जित दिलाएका हुन्।
आल्भेजले रियल म्याड्रिडलाई आफ्नो घरेलु मैदानमा सन् १९३१ पछि पहिलो पटक पराजित गरेर नयाँ इतिहास बनाएको छ।
यो हार सँगै रियल म्याड्रिडले आफ्ना पछिल्ला ४ खेलमा ३ मा हार बेहोरेको छ भने सन् २००२ पछि ला लिगामा खेलेका लगातार ४ खेलमा गोल गर्न असफल भएको छ।
रियलको पराजयसँगै यसै सिजनमा जिनेदिन जिदानको ठाउमा आएका म्यानेजर जुलेन लोपेटेगुईलाई दबाब बढेको छ। इस्को र मार्सेलो जस्ता महत्वपूर्ण खेलाडी घाइते हुदा पनि रियल अप्ठ्यारोमा परेको हो भने क्रिस्टियानो रोनाल्डोले क्लब छोडेपछि रियलले गोल गर्न भने संघर्ष गरिरहेको देखिएको छ ।
हारपछि रियल म्याड्रिडको ८ खेलमा १४ भने शिर्ष स्थानमा रहेको बार्सिलोनाको ७ खेलमा १४ अंक नै रहेको छ भने अब रियल माथि ३ अंकको अग्रता लिने अवसर प्राप्त भएको छ। त्यस्तै आल्भेजको ८ खेलमा १४ अंकसहित तेस्रो स्थानमा रहेको छ।
रियलले अब अर्को खेल अक्टोबर २० मा लेभांटेसँग खेल्ने छ।
